ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေး ၁၄ရက် မြောက်နေ့ကျင်းပ

နေပြည်တော် မတ် ၁၂

ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေး ၁၄ရက် မြောက်နေ့ကို ယနေ့နံနက် ၁၀နာရီတွင် နေပြည်တော်ရှိ ပြည်ထောင်စုလွှတ်တော် အစည်းအဝေးခန်းမ၌ ကျင်းပသည်။

အစည်းအဝေးတွင် ပြည်သူ့လွှတ်တော် ဒုတိယဥက္ကဋ္ဌ ဦးတီခွန်မြတ်က (၁၃၇) ကြိမ်မြောက် နိုင်ငံတကာ ပါလီမန်များညီလာခံ (137^th IPU Assembly)သို့ တက်ရောက်ခဲ့သည့် မြန်မာလွှတ်တော် ကိုယ်စားလှယ်အဖွဲ့၏ အစီရင်ခံစာကို လွှတ်တော်သို့ တင်ပြရာတွင် (၁၃၇)ကြိမ်မြောက် နိုင်ငံတကာ ပါလီမန်များညီလာခံနှင့် ဆက်စပ်အစည်း အဝေးများသို့ မြန်မာလွှတ်တော် ကိုယ်စားလှယ်အဖွဲ့ တက်ရောက်ရန် အိမ်ရှင် ရုရှား ဖက်ဒရေးရှင်းနိုင်ငံ အထက်လွှတ်တော်၊ အောက်လွှတ်တော်နှင့် နိုင်ငံတကာပါလီမန် များ ဥက္ကဋ္ဌတို့မှ ဖိတ်ကြားခဲ့ခြင်း ဖြစ်ပါကြောင်း။

IPU ညီလာခံတိုင်းတွင် လက်ရှိနိုင်ငံတကာ ကိစ္စရပ်များနှင့်ပတ်သက်သည့် အရေးပေါ်အကြောင်းအရာ Emergency item တစ်ခုကို အစည်းအဝေး အစီအစဉ်တွင် ထည့်သွင်းဆွေးနွေးလေ့ ရှိပါကြောင်း၊ (၁၃၇)ကြိမ်မြောက် ညီလာခံရက်မတိုင်မီ အဖွဲ့ ၀င်နိုင်ငံများက Emergency item များကို IPU သို့ ကြိုတင်ပေးပို့ခဲ့ရာ OIC အဖွဲ့ဝင် မော်ရိုကိုနိုင်ငံ အပါအ၀င် ရှစ်နိုင်ငံက ရခိုင်ပြည်နယ်နှင့် သက်ဆိုင်သည့် အကြောင်းအရာကို တင်သွင်းထားသည်ကို တွေ့ရှိရပါကြောင်း၊ ထို့ကြောင့် မိမိတို့မြန်မာကိုယ်စားလှယ်အဖွဲ့ အနေဖြင့် အဆိုပါအခြေအနေများကို ချေပဆွေးနွေးနိုင်သည့် အခွင့်အရေး ရရှိနိုင်ရေးအတွက် ရခိုင်ပြည်နယ်နှင့် စပ်လျဉ်းသည့် Emergency itemတစ်ခု တန်ပြန် တင်သွင်းနိုင်ရန်အတွက်  ဆောင်ရွက်ခဲ့ပါကြောင်း။

ယနေ့တင်သွင်း ဆောင်ရွက်နေသော မြန်မာ့လွှတ်တော်၏ ဆောင်ရွက်မှုများကို ၂၀၁၈ခုနှစ် မတ်လတွင် ဂျီနီဗာ၌ ကျင်းပမည့် (၁၃၈)ကြိမ်မြောက် နိုင်ငံတကာပါလီ မန်များ ညီလာခံသို့ ပြန်လည်တင်ပြသွားရမည် ဖြစ်ပါကြောင်း၊ (၁၃၇)ကြိမ်မြောက် နိုင်ငံတကာ ပါလီမန်များညီလာခံက အတည်ပြုခဲ့သည့် ရခိုင်ပြည်နယ်နှင့် သက်ဆိုင် သည့် ဆုံးဖြတ်ချက်တစ်ခုလုံးကို မြန်မာကိုယ်စား လှယ်အဖွဲ့က ကန့်ကွက်ခဲ့ပါကြောင်း၊ မျိုးနွယ်စုအလိုက် သုတ်သင်ရှင်းလင်းခြင်း ဆိုသည့် စွပ်စွဲချက် နှင့် ပတ်သက်၍ မြန်မာ နိုင်ငံအနေဖြင့် ဆောင်ရွက်နေမှု အခြေအနေကိုလည်း ညီလာခံသို့ တက်ရောက် လာသည့် ကိုယ်စားလှယ်များ သိရှိစေရန် ချက်ချင်း တုံ့ပြန်ရှင်းလင်းပြောကြားခဲ့ ကြောင်းကိုလည်း ထပ်လောင်း တင်ပြလိုပါကြောင်း။

 (၁၃၇)ကြိမ် မြောက်နိုင်ငံတကာပါလီမန်များညီလာခံ၌ အရေးပေါ်ကိစ္စရပ် အဖြစ် တင်သွင်း ဆွေးနွေး ဆုံးဖြတ်ခဲ့သည့် ရခိုင်ပြည်နယ်ကိစ္စ ဆုံးဖြတ်ချက်ကို မြန်မာ့လွှတ်တော် ကိုယ်စားပြု မြန်မာ ကိုယ်စားလှယ်အဖွဲ့က ပြတ်သားစွာ ကန့်ကွက်ဆွေးနွေးခဲ့မှုကို လွှတ်တော်က သဘောတူ အတည်ပြု ပေးရန် အဆိုတင်သွင်းအပ်ပါကြောင်း၊ လွှတ်တော် ကိုယ်စားလှယ်များအနေဖြင့်လည်း မိမိတုိ့ တင်သွင်းသည့် အစီရင်ခံစာအပေါ် မှန်ကန် ပြတ်သားသည့် ဆွေးနွေးမှုများနှင့်အတူ ထောက်ခံ အတည်ပြုပေးနိုင်ပါရန် လွှတ်တော် သို့တင်ပြအပ်ပါကြောင်း ပြောကြားသည်။

ထို့နောက် ပြည်ထောင်စုလွှတ်တော် နာယက မန်းဝင်းခိုင်သန်းက ယင်းအစီရင်ခံ စာနှင့် စပ်လျဉ်း၍ ဆွေးနွေးလိုသည့် လွှတ်တော်ကိုယ်စားလှယ် ရှိပါက အမည်စာရင်း တင်သွင်းနိုင်ကြောင်း ကြေညာ သည်။

ယင်းနောက် နိုင်ငံတော်သမ္မတထံမှ သဘောထားမှတ်ချက်ဖြင့် ပြန်လည်ပေးပို့ ထားသော စာချုပ်စာတမ်းများ မှတ်ပုံတင်ဥပဒေကြမ်းနှင့် စပ်လျဉ်း၍ ဥပဒေကြမ်း ပူးပေါင်းကော်မတီ၏ လေ့လာ တွေ့ရှိချက်နှင့် သဘောထားမှတ်ချက် အစီရင်ခံစာကို  ဥပဒေကြမ်း ပူးပေါင်းကော်မတီအဖွဲ့ဝင် ဒေါ်နွယ်နွယ်အောင် က ဖတ်ကြားတင်ပြသည်။

ထို့နောက် ပြည်ထောင်စုလွှတ်တော် နာယက က အဆိုပါဥပဒေကြမ်းနှင့် စပ်လျဉ်း၍ ဆွေးနွေးလိုသည့် လွှတ်တော်ကိုယ်စားလှယ်ရှိပါက အမည်စာရင်းတင်သွင်း နိုင်ကြောင်း ကြေညာသည်။

ဆက်လက်၍ နိုင်ငံတော်သမ္မတထံမှ ပေးပို့ထားသော အာဆီယံ-သြစတြေးလျ နိုင်ငံတကာ အကြမ်းဖက်မှု တိုက်ဖျက်ရေး ပူးပေါင်းဆောင်ရွက်မှု နားလည်မှု စာချွန်လွှာအား မြန်မာနိုင်ငံမှ ပါဝင် လက်မှတ်ရေးထိုးရေး ကိစ္စနှင့် စပ်လျဉ်း၍ လွှတ်တော်ကိုယ်စားလှယ်များက ဆွေးနွေးကြသည်။

ဖာပွန်မဲဆန္ဒနယ် မှ ဦးစောထွန်းမြအောင်က အာဆီယံအဖွဲ့ဝင်နိုင်ငံနှင့် သြစ တြေးလျနိုင်ငံတို့အကြား နိုင်ငံတကာအကြမ်းဖက်မှု တိုက်ဖျက်ရေး ပူးပေါင်းဆောင် ရွက်ခြင်းဖြင့်  ရခိုင်ဒေသ၌ ဖြစ်ပေါ်နေသော ကိစ္စရပ်များကို တစ်နည်းတစ်လမ်းဖြင့် အထောက်အကူ ပြုနိုင်မည်ဟု ယုံကြည်သုံးသပ်ရင်း နိုင်ငံတော်သမ္မတထံမှ ပေးပို့သော အာဆီယံ-သြစတြေးလျ နိုင်ငံတကာ အကြမ်းဖက်မှု တိုက်ဖျက်ရေး ပူးပေါင်း ဆောင်ရွက်မှု နားလည်မှုစာချွန်လွှာအား မြန်မာနိုင်ငံမှ ပါဝင်လက်မှတ် ရေးထိုးရေးအား ထောက်ခံ တင်ပြအပ်ပါကြောင်း ဆွေးနွေးသည်။

အဆိုပါ ကိစ္စနှင့် စပ်လျဉ်း၍ ၀ါးခယ်မမဲဆန္ဒနယ်မှ ဦးဇော်သိန်း၊ ရခိုင်ပြည် နယ်မဲဆန္ဒနယ်အမှတ်(၁၁)မှ ဒေါ်ထုမေ၊ မွန်ပြည်နယ်မဲဆန္ဒနယ် အမှတ်(၂)မှ ဒေါ်နွယ်နွယ်အောင်၊ ရွှေကူမဲဆန္ဒနယ်မှ ဦးဇာနည်မင်း တို့က ဆက်လက်ဆွေးနွေးကြသည်။

 အဆိုပါကိစ္စနှင့် စပ်လျဉ်း၍ ပြည်ထဲရေးဝန်ကြီးဌာန ပြည်ထောင်စု ၀န်ကြီး ဒုတိယဗိုလ်ချုပ်ကြီး ကျော်ဆွေ က ပြန်လည်ရှင်းလင်းရာတွင် မြန်မာနိုင်ငံမှ အဆိုပါနား လည်မှုစာချွန်လွှာကို လက်မှတ် ရေးထိုးခြင်းဖြင့် အကြမ်းဖက်သမားများနှင့် ပတ်သက်သော သတင်းအချက်အလက်များ အပြန်အလှန် မျှဝေပေးရေး၊ အကြမ်းဖက် သမားများနှင့် အကြမ်းဖက် အဖွဲ့အစည်းများ၏ လှုပ်ရှားမှုများ နှင့် နောက်ခံသမိုင်း ကြောင်းများကို စုံစမ်းဖော်ထုတ်နိုင်မှု နည်းပညာ အကူအညီအထောက်အပံ့များ ရရှိနိုင်ခြင်းတို့ကြောင့် ဒေသတွင်း နိုင်ငံများနှင့်သာမက နိုင်ငံတကာနှင့်ပါ အကြမ်းဖက်မှု တိုက်ဖျက်ရေး လုပ်ငန်းများကို တက်ကြွစွာ ပူးပေါင်းဆောင်ရွက်မှု တိုးမြှင့်ခြင်း အခန်း ကဏ္ဍများကို ပိုမို ဆောင်ရွက်နိုင်မည် ဖြစ်သည့်အတွက် ပြည်ထောင်စုလွှတ်တော်၏ အတည်ပြုချက် ရယူပေးနိုင်ပါရန် တင်ပြအပ်ပါကြောင်း ရှင်းလင်းပြောကြားသည်။

ယင်းနောက် ပြည်ထောင်စုလွှတ်တော် နာယက က အဆိုပါကိစ္စနှင့် စပ်လျဉ်း၍ လွှတ်တော်၏ အဆုံးအဖြတ်ရယူပြီး လွှတ်တော်က သဘောတူအတည်ပြုကြောင်း ကြေညာသည်။

ဆက်လက်၍ နိုင်ငံတော်သမ္မတထံမှ ပေးပို့ထားသော ဆောက်လုပ်ရေးဝန်ကြီး ဌာန မဟာမဲခေါင် ဒေသ အတွင်းရှိ လမ်းမကြီးများ ဖွံ့ဖြိုးတိုးတက်ရေး စီမံကိန်းအတွက် အာရှဖွံ့ဖြိုးရေးဘဏ်နှင့် အာဆီယံအခြေခံ အဆောက်အအုံရန်ပုံငွေတို့ထံမှ အမေရိကန် ဒေါ်လာသန်း ၃၆၀ ချေးယူရန် ကိစ္စနှင့် စပ်လျဉ်း၍ လွှတ်တော်ကိုယ်စားလှယ်များက ဆွေးနွေးကြသည်။

ကျောက်တန်းမဲဆန္ဒနယ်မှ ဒေါ်အေးမြမြမျိုးက နိုင်ငံတကာချေးငွေဆိုသည်မှာ အချိန်တန်ပါက ပြန်လည်ပေးဆပ်ရမည့် နောင်မျိုးဆက်ထံမှ ကြိုတင်ချေးသုံးထားနှင့် သည့်ငွေသာဖြစ်သည့်အတွက် အလေအလွင့်မရှိ စနစ်တကျ အသုံးပြုရန် လိုအပ်ပါကြောင်း၊ ဖောက်လုပ်ထားသည်မှာ မကြာသေးသည့် လမ်းကို ပြန်ပြင်လိုက်ရခြင်း၊ ပြင်ထားသည်မှာ မကြာသေးသည့် လမ်းကို ထပ်မံအဆင့်မြှင့်လိုက်ရခြင်းဆိုသည်မှာ ဘဏ္ဍာငွေ လေလွင့်မှုများစွာ ဖြစ်နိုင်သည့် အပြင် အများ ပြည်သူတို့၏ ယုံကြည်မှု အတွက်ပါ ထိခိုက်နိုင်ပါကြောင်း၊ ရှေ့ကမှားသောအမှားများ ထပ်မမှားစေရန် ရှေ့က သင်ခန်းစာများကို နမူနာယူဆင်ခြင်လျှက် ယခုထက် စနစ်ကျသည့် ရေရှည်စီမံကိန်းများ ချမှတ် ဆောင်ရွက်ပေးနိုင်ပါရန် တင်ပြအပ်ပါကြောင်း ဆွေးနွေးသည်။

အဆိုပါကိစ္စနှင့် စပ်လျဉ်း၍ ရန်ကုန်တိုင်းဒေသကြီး မဲဆန္ဒနယ်အမှတ်(၄)မှ ဦးသန်းစိုး(ခေါ်) သန်းစိုး(ဘောဂဗေဒ)၊ လေးမျက်နှာ မဲဆန္ဒနယ်မှ ဦးဇော်မင်းသိန်း၊ ချင်းပြည်နယ် မဲဆန္ဒနယ် အမှတ်(၁၀)မှ ဦးလားလ်မင်းထန်၊ ရွှေပြည်သာမဲဆန္ဒနယ်မှ ဦးဥာဏ်လင်း၊ ရွှေကျင်မဲဆန္ဒနယ်မှ ဦးစောသလေးစော၊ ဂန့်ဂေါမဲဆန္ဒနယ်မှ ဒေါ်ယဉ်မင်းလှိုင်၊ ဧရာဝတီတိုင်းဒေသကြီး မဲဆန္ဒနယ် အမှတ်(၁)မှ ဦးစိုးမိုး၊ ဆိပ်ကြီး/ ခနောင်တိုမဲဆန္ဒနယ်မှ ဦးတင်ထွန်းနိုင်၊ ခရမ်း မဲဆန္ဒနယ်မှ ဒေါက်တာအေးမင်း၊ အုတ်တွင်းမဲဆန္ဒနယ်မှ ဒေါ်ချိုချိုနှင့် သန်လျင်မဲဆန္ဒ နယ်မှ ဦးလွင်ကိုလတ်တို့က ဆက်လက် ဆွေးနွေးကြသည်။

ထို့နောက် နိုင်ငံတော်သမ္မတထံမှ ပေးပို့ထားသော ဆောက်လုပ်ရေးဝန်ကြီးဌာန မဟာမဲခေါင်ဒေသခွဲ စင်္ကြန်လမ်းတစ်လျှောက်ရှိ မြို့များဖွံ့ဖြိုးမှုစီမံကိန်းအတွက် အာရှဖွံ့ဖြိုးရေးဘဏ်မှ အမေရိကန် ဒေါ်လာသန်း ၈၀ ချေးယူရန် ကိစ္စနှင့် စပ်လျဉ်း၍ လွှတ်တော်ကိုယ်စားလှယ်များက ဆွေးနွေးကြသည်။ 

လှိုင်းဘွဲ့မဲဆန္ဒနယ်မှ ဦးခင်ချိုက ADBက ချေးယူမည့် အမေရိကန် ဒေါ်လာသန်း ၈၀ ချေးယူမှုနှင့် ပတ်သက်၍ ဆိုင်းငံ့ကာလ ၈ နှစ်၊ ပြန်ဆပ်ကာလ ၂၄ နှစ် စုစုပေါင်း ချေးငွေ သက်တမ်း ၃၂ နှစ် ခွင့်ပြုထားပြီး ဆိုင်းငံ့ကာလ ၈ နှစ်တွင် အတိုး ၁ ရာခိုင်နှုန်းနှင့်  ပြန်ဆပ်ကာလ ၂၄နှစ်တွင် ၁ ဒသမ ၅ ရာခိုင်နှုန်းအတိုးပေးရ မည်ဖြစ်ပါကြောင်း၊  ချေးငွေ နှင့် ပတ်သက်၍ ဘားအံအတွက် အမေရိကန် ဒေါ်လာ ၃၂ သန်း၊ မော်လမြိုင်အတွက် အမေရိကန် ဒေါ် လာ ၄၇ သန်း သုံးမည်ဖြစ်သောကြောင့် ကျန် ၁ သန်း မည်သည့်အတွက်သုံးမည်ကို ရှင်းပြသင့်ပါကြောင်း၊  မြ၀တီအတွက် ထိုင်းနိုင်ငံ NEDA မှ အမေရိကန် ဒေါ်လာ ၂၄ ဒသမ ၃ သန်း ချေးငွေနှင့် ဆောင်ရွက် ဆဲဟု သိရပါကြောင်း။

နိုင်ငံခြားငွေတစ်ရပ်ကို ထုတ်ချေးရာတွင် ထုတ် ချေးပေးလိုက်သည့်  နိုင်ငံ၊ အဖွဲ့အစည်းများ၏ မျှော်မှန်းချက်၊ ချေးငွေရယူလက်ခံသည့်  နိုင်ငံအနေဖြင့်လည်း  မူလရည်မှန်းချက်၊ လျာထားချက် အောင်မြင်အောင် အကောင် အထည်ဖော်နိုင်ရန်၊ ချေးငွေများကို အလေအလွင့်မရှိ အကျိုးရှိရှိ သုံးစွဲနိုင်ရန် စနစ်တကျ လေ့လာဆန်းစစ် တွက်ချက်သုံးစွဲသင့်သည်ဟု ယူဆပါကြောင်း၊ ယင်းချေးငွေသည် ရေရရှိရေးနှင့် မြို့သန့်ရှင်းသာယာလှပရေးအတွက် အဓိကထားသုံးစွဲရမည်ဖြစ်ပြီး ချေးငွေသုံးစွဲရမည့် မြို့များသည် နယ်စပ်ကုန်သွယ်မှု၏ အဓိကလမ်းကြောင်းပေါ်တွင် ရှိသည့် မြို့များဖြစ်ပြီး နောင်ဖြစ်ပေါ်တိုးတက်လာနိုင်မည့် နယ်စပ်ကုန်သွယ်ရေး လုပ်ငန်းနှင့် ခရီးသွားလုပ်ငန်း အတွက် အထောက်အကူများဖြစ်လာနိုင်မည်ဖြစ်သောကြောင့် ချေးယူသင့်ပါကြောင်း  ဆွေးနွေးသည်။

အဆိုပါ ကိစ္စနှင့်စပ်လျဉ်း၍ ရန်ကုန်တိုင်းဒေသကြီး မဲဆန္ဒနယ်အမှတ်(၄)မှ ဦးသန်းစိုး(ခေါ်)သန်းစိုး (ဘောဂဗေဒ)၊ မြ၀တီမဲဆန္ဒနယ်မှ ဦးစိန်ဗိုလ်၊ ရွှေပြည်သာမဲ ဆန္ဒနယ်မှ ဦးဥာဏ်လင်း၊ တန့်ယန်း မဲဆန္ဒနယ်မှ စိုင်းမောင်ပွင့်နှင့် ဘားအံမဲဆန္ဒနယ်မှ နန်းသန်းသန်းလွင် တို့က ဆက်လက် ဆွေးနွေးကြသည်။

ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေး (၁၅) ရက်မြောက်နေ့ကို မတ် ၁၅ရက် တွင် ဆက်လက်ကျင်းပသွားမည်ဖြစ်ကြောင်း သိရသည်။

အောင်ရဲသွင်၊ အေးအေးသန့်