အမျိုးသားအဆင့် အလုပ်အကိုင်ဆိုင်ရာ ကျွမ်းကျင်မှု အသိအမှတ်ပြု လက်မှတ်ပေးအပ်ပွဲ ကျင်းပ

ရန်ကုန် မတ် ၁၀

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ တာဝန်ယူ ဆောင်ရွက်လျက်ရှိသည့် မြန်မာနိုင်ငံလုပ်သားများ ကျွမ်းကျင်မှု “စံ” သတ်မှတ်ပြဌာန်းရေးအဖွဲ့ (NSSA )၏ ၂၀၁၇-၂၀၁၈ ဘဏ္ဍာရေးနှစ်အတွင်း လုပ်သား ၅၀၀၀ စစ်ဆေးအကဲဖြတ်ရေး လုပ်ငန်းစဉ်အရ ၂၀၁၇ ခုနှစ်၊ နိုဝင်ဘာလမှ ၂၀၁၈ ခုနှစ်၊ ဇန်နဝါရီလအတွင်း စစ်ဆေးအောင်မြင်ခဲ့သည့် အလုပ်အကိုင် (၁၃) မျိုးအတွက် ကျွမ်းကျင်လုပ်သား (၆၁၁) ဦး၊ ကျွမ်းကျင်မှုစစ်ဆေး အကဲဖြတ်ရေးဌာန (၇) ခုနှင့် စစ်ဆေးအကဲဖြတ်သူ (၅၆)ဦးကို ရန်ကုန်မြို့၊ ဗဟိုဆောက်လုပ်ရေး သင်တန်းကျောင်း (သုဝဏ္ဏ)၊ အစည်းအဝေးခန်းမ၌

မတ်လ ၁၀ ရက် နံနက်ပိုင်းတွင် အမျိုးသားအဆင့် အလုပ်အကိုင် ဆိုင်ရာ ကျွမ်းကျင်မှုအသိအမှတ်ပြု လက်မှတ်ပေးအပ်ပွဲ အခမ်းအနားကျင်းပရာ ပြည်ထောင်စုဝန်ကြီး ဦးသိန်းဆွေ၊ ရန်ကုန်တိုင်းဒေသကြီး အစိုးရအဖွဲ့၊ အလုပ်သမားရေးရာဝန်ကြီး ဦးဇော်အေးမောင်နှင့် ဌာနဆိုင်ရာ တာဝန်ရှိသူများ၊ လုပ်ငန်းရှင်များ၊ Assessment Center များမှ တာဝန်ရှိသူများ၊ Chief Assessor များ၊ Assessor များ၊ ဖွံ့ဖြိုးမှုမိတ်ဖက်အဖွဲ့ အစည်းများ၊ ကျွမ်းကျင်မှု စစ်ဆေးအကဲဖြတ်သည့် လုပ်ငန်းစဉ် တွင် ပါဝင်ခဲ့ကြသည့် ကျွမ်းကျင်လုပ်သားများ တက်ရောက်ခဲ့သည်။

အခမ်းအနားတွင် ပြည်ထောင်စုဝန်ကြီးက ၂၀၁၇/၂၀၁၈ ဘဏ္ဍာရေးနှစ်အတွင်း လုပ်သား ၅,၀၀၀ ဦး စစ်ဆေးအကဲဖြတ်ရေး လုပ်ငန်းစဉ်အရ ၂၀၁၇ ခုနှစ် ဧပြီလမှ ၂၀၁၈ ခုနှစ် ဖေဖော်ဝါရီလကုန်အထိ အလုပ်အကိုင် (၁၈) မျိုးအတွက်ကျား (၃၆၂၇) ဦး၊ မ (၁၂၅၀) ၊ စုစုပေါင်း (၄၈၇၇) ဦးကို စစ်ဆေးအကဲဖြတ်ခဲ့ရာ အောင်မြင်သူ ကျား (၃၁၆၇) ဦး၊ မ (၁၁၂၄) ဦး၊ စုစုပေါင်း (၄၂၉၁) ဦးရှိပြီး အောင်မြင်မှုရာခိုင်နှုန်း (၈၈%) ဖြစ်ကြောင်း၊ ကျွမ်းကျင်လုပ်သား ၅,၀၀၀ စိစစ်ရန်စီမံချက်အရ အလုပ်အကိုင် (၇) ခုကို ပြည့်မီအောင် စိစစ်နိုင်ခဲ့ပြီး ဈေးကွက်ဝင် ကျွမ်းကျင်လုပ်သား အများအပြားလိုအပ်နေသည့် အထည်ချုပ်အလုပ်အကိုင်နှင့် လျှပ်စစ်လုပ်သား အလုပ်အကိုင်၊  ဟိုတယ်ဝန်ဆောင်မှု ဆိုင်ရာ အလုပ်အကိုင်များကို ဦးစားပေးဆောင်ရွက်ခဲ့ကြောင်း လာရောက်ဖြေဆိုသူများပြား၍ လျာထားချက်ထက်ကျော်လွန် ဆောင်ရွက် ပေးနိုင်ခဲ့ကြောင်း၊ ၂၀၁၈ ခုနှစ် မတ်လကုန်တွင် အကဲဖြတ်စစ်ဆေးရန် သတ်မှတ်ထားသော ကျွမ်းကျင်လုပ်သား ၅,၀၀၀ ကို စစ်ဆေးရန် ရည်မှန်းချက် အောင်မြင်စွာ ဆောင်ရွက်နိုင်မည်ဟု အသိပေးလိုကြောင်း၊ ကျွမ်းကျင်လုပ်သား ရှားပါးချိန်တွင် လုပ်ငန်းရှင်များအနေဖြင့် မိမိတို့လုပ်ငန်း အောင်မြင်စွာ လည်ပတ်နိုင်ရန် ကျွမ်းကျင်လုပ်သား လက်မှတ် ရှိ/ မရှိ မစိစစ်နိုင်ဘဲ အလုပ်သမားများ ခန့်ထားခြင်း၊ မိမိလေ့ကျင့်ထားသော ကျွမ်းကျင်လုပ်သားများကို ယှဉ်ပြိုင်ဘက်များက ဈေးပိုပေးကာ စွဲဆောင်ခံရခြင်း စသောစိန်ခေါ်မှုများကြောင့် မိမိလုပ်ငန်းအတွက် ကျွမ်းကျင်လုပ်သား စိစစ်ရေး၊ လက်မှတ်ရရှိရေး လုပ်ငန်းစဉ်မှာ စိုးရိမ်စိတ်နဲ့ ပူးပေါင်းပါဝင်မှု အားနည်းနေကြောင်း၊ အခက်အခဲများ ကျော်လွှားနိုင်ရန် လုပ်သားဈေးကွက်တွင် အမှန်တကယ်လိုအပ်နေသော ကျွမ်းကျင်လုပ်သားများ ရရှိလာစေရေး အမြော်အမြင်ကြီးမားစွာ ပူးပေါင်းပါဝင်ဆောင်ရွက်ရန် တိုက်တွန်းကြောင်း ပြောကြားသည်။

NSSA ၏ လုပ်ငန်းစဉ်များ အရှိန်အဟုန်မြှင့်တင်သည့်အနေဖြင့် ၂၀၁၇-၂၀၁၈ ခုနှစ် အတွင်းနိုင်ငံ၏ စီးပွားရေးအချက်အချာကျပြီး လုပ်သားဈေးကွက် လိုအပ်ချက်များပြားနေသော ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်း ဒေသကြီး၊ မကွေးတိုင်းဒေသကြီး၊ မွန်ပြည်နယ်နှင့် ကရင်ပြည်နယ်များရှိ အလုပ်သမားများအတွက် အမျိုးသားအဆင့် အလုပ်အကိုင်ဆိုင်ရာ ကျွမ်းကျင်မှုအဆင့် (၁) အသိအမှတ်ပြု လက်မှတ်များထုတ်ပေးနိုင်ရန်နှင့် ကျွမ်းကျင်မှု စစ်ဆေးအကဲဖြတ်မှုကို သက်ဆိုင်ဌာန၊ အဖွဲ့ အစည်းများနှင့် စဉ်ဆက်မပျက် ပူးပေါင်းပါဝင်ဆောင်ရွက်လျက်ရှိကြောင်း သတင်းရရှိသည်။

(သတင်းစဉ်)