နေပြည်တော် ဇန်န၀ါရီ ၁၆
ရှမ်းပြည်နယ်(မြောက်ပိုင်း)
ကုန်းကြမ်းမြို့နယ်အတွင်း တပ်မတော်စစ်ကြောင်းက နယ်မြေရှင်းလင်းရေး ဆောင်ရွက်လျက် ရှိစဉ်
ယမန်နေ့ နံနက်ပိုင်းတွင် ဆာလာအိတ် အပြာတစ်လုံးအတွင်းမှ မူးယစ်ဆေးဝါးများအား သိမ်းဆည်းရမိခဲ့ကြောင်း
သိရသည်။
တပ်မတော်စစ်ကြောင်းသည်
နယ်မြေရှင်းလင်းရေးဆောင်ရွက်လျက်ရှိစဉ် ယမန်နေ့နံနက် ၇ နာရီခွဲခန့်တွင် ကုန်းကြမ်းမြို့
၏မြောက်ဘက် ၁၁ မိုင်ခန့်အကွာရှိ လျှိုစောင်းဘေးဝါးရုံအတွင်း၌ ဆာလာအိတ်အပြာ တစ်လုံးကိုတွေ့ရှိသဖြင့်
စစ်ဆေး ခဲ့ရာအတွင်းမှ မက်သာအက်ဖက် တမင်းအိုက်စ် တစ်ထုပ် (၈၀၀ ဂရမ်ခန့်) (ကာလတန်ဖိုးငွေ
ကျပ် သိန်း ၁၆၀ ခန့်) ကို ပိုင်ရှင်မဲ့ သိမ်းဆည်းရမိခဲ့ကြောင်း သတင်းရရှိသည်။
(သတင်းစဉ်)
No comments:
Post a Comment