နေပြည်တော်၊
ဇန်န၀ါရီ ၁၇
ရှမ်းပြည်နယ် (မြောက်ပိုင်း)၊
ကွမ်းလုံမြို့နယ်၊ ကွမ်းလုံနှင့် နားတီးကြား၌ လမ်းလုံခြုံရေး ဆောင်ရွက်နေသော တပ်မတော်
စစ်ကြောင်းက ကျပ်သိန်း ၃၇၀၀ ကျော်တန်ဖိုးရှိ မူးယစ်ဆေးဝါးများ ယနေ့ မွန်းလွဲပိုင်းတွင်
သိမ်းဆည်း ရမိခဲ့ကြောင်း သိရသည်။
ကွမ်းလုံနှင့် နားတီး
အကြား၌ လမ်းလုံခြုံရေး ဆောင်ရွက်နေသော တပ်မတော် စစ်ကြောင်းသည် ယနေ့မွန်းလွဲ ၃
နာရီခွဲခန့်တွင် မသင်္ကာဖွယ် Harrier အမျိုးအစား မော်တော်ယာဉ်အား ရပ်တန့် စစ်ဆေးရာ မောင်းနှင်
ထွက်ပြေးသဖြင့် လိုက်လံ ရှင်းလင်းခဲ့ရာ မိုင်တိုင် အမှတ်
၃၇ နေရာ၌ ယာဉ်မောင်းမှာ မော်တော်ယာဉ်ကို ရပ်တန့်ပြီး ထွက်ပြေး သွားသဖြင့် ယာဉ်အား စစ်ဆေးရာ
ယာဉ်ပေါ်မှ အိုက်စ် ၁ ထုပ်လျင် ၁ ကီလိုဂရမ်ပါ ၁၈ ထုပ်နှင့် ၁ ထုပ်လျင် ဒသမ ၇ ကီလိုဂရမ်ခန့်ပါ
၁ ထုပ် စုစုပေါင်း ၁၉ ထုပ်၊ စုစုပေါင်း တန်ဖိုး ကျပ်သိန်း ၃၇၀၀ ကျော်ကို
သိမ်းဆည်းရမိခဲ့သည်။
သိမ်းဆည်းရမိ ယာဉ်နှင့်
မူးယစ်ဆေးဝါးများအား ကွမ်းလုံမြို့နယ် ရဲစခန်းသို့ စနစ်တကျ လွှဲပြောင်း အပ်နှံပြီး
တပ်မတော် စစ်ကြောင်းက နယ်မြေ ရှင်းလင်း ဆောင်ရွက်လျက် ရှိကြောင်း သတင်း ရရှိသည်။
(သတင်းစဉ်)
No comments:
Post a Comment