နိုင်ငံတော်သမ္မတ ဦးထင်ကျော်နှင့်ဇနီး တက္ကသိုလ်၊ ဒီဂရီကောလိပ်နှင့် ကောလိပ်တို့မှ ကျောင်းသား ကျောင်းသူများ၏ ဗဟိုအဆင့် အင်္ဂလိပ်ဘာသာ စွမ်းရည်ပြိုင်ပွဲ ဆုချီးမြှင့်ပွဲအခမ်းအနားသို့ တက်ရောက်ချီးမြှင့်

နေပြည်တော် ဇန်န၀ါရီ ၂၄

တက္ကသိုလ်၊ ဒီဂရီကောလိပ်နှင့် ကောလိပ်တို့မှ ကျောင်းသား ကျောင်းသူများ၏ ဗဟိုအဆင့် အင်္ဂလိပ်ဘာသာစွမ်းရည်ပြိုင်ပွဲ ဆုချီးမြှင့်ပွဲအခမ်းအနားကို ယနေ့မွန်းလွဲ ၃နာရီခွဲတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ (MICC-II) ၌ကျင်းပရာ နိုင်ငံ တော်သမ္မတ ဦးထင်ကျော်နှင့်ဇနီး ဒေါ်စုစုလွင်တို့ တက်ရောက်အားပေး ချီးမြှင့်သည်။

ဆုချီးမြှင့်ပွဲအခမ်းအနားသို့ ဒုတိယသမ္မတ ဦးဟင်နရီဗန်ထီးယူ၊ ပြည်ထောင်စုဝန်ကြီးများ၊ နေပြည်တော်ကောင်စီဥက္ကဋ္ဌ၊ ဒုတိယ၀န်ကြီးများ၊ ဌာနဆိုင်ရာအကြီးအကဲများ၊ ပါမောက္ခချုပ်နှင့် ဒုတိယပါမောက္ခချုပ်များ၊ တက္ကသိုလ်၊ ဒီဂရီကောလိပ်နှင့် ကောလိပ်တို့မှ ပါမောက္ခများ၊ ဆရာ ဆရာမများ၊ ကျောင်းသားကျောင်းသူများနှင့် တာဝန်ရှိသူများ တက်ရောက်ကြသည်။

ရှေးဦးစွာ ဆုရကျောင်းသား ကျောင်းသူများက (Essay) စာစီစာကုံးဖတ်ကြားခြင်း၊ (Impromptu) ကျပန်းစကားပြောခြင်း၊ (Roundtable Discussion) စကားဝိုင်းဆွေးနွေးခြင်းတို့ဖြင့် အင်္ဂလိပ်ဘာသာစကား စွမ်းရည်ကို သရုပ်ဖော်ပြသကြသည်။

ထို့နောက် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက နှုတ်ခွန်းဆက်စကားပြောကြားရာတွင် အရည်အသွေးမြင့်မားသော ပညာရေးနှင့် ဆက်စပ်စွမ်းရည်များ မဖြစ်မနေလိုအပ်နေသည့် ယနေ့ခေတ်ကြီးတွင် ကျောင်းသားများကို စာမေးပွဲတွင် ထူးချွန်စွာအောင်မြင်အောင် သင်ကြားပေးရုံဖြင့် မလုံလောက်တော့ပါကြောင်း၊ ကမ္ဘာကြီး ရင်ဆိုင်နေရသည့် အရေးကြီးသည့်ပြဿနာများကို ဖြေရှင်းရာတွင် ပညာသည် လွန်စွာမှအရေးပါလှပါကြောင်း၊ နည်းပညာ တွင် ထူးခြားသည့်အစွမ်းအစများနှင့် နက်ရှိုင်းသည့် အကျိုးသက်ရောက်မှု များရှိနေပါကြောင်း၊ ပြည်သူလူထုအနေဖြင့် လည်း အဆင့်မြင့်ပညာရေးတိုးတက် မြင့်မားမှုအပေါ်တွင် များစွာမျှော်လင့်လျက်ရှိပါကြောင်း။

ထို့ပြင် သတင်းအချက်အလက်နှင့် ဗဟုသုတများသည် အရှိန်အဟုန်မြင့်မားစွာ တိုးတက်လျက်ရှိရာ မည်သူတစ်ဦး တစ်ယောက်မျှ ဘာသာရပ်တိုင်းအပေါ်တွင် အလုံးစုံလေ့လာတတ်မြောက်ရန် မဖြစ်နိုင်ပါကြောင်း၊ အခြားတစ်ဖက်တွင် ဘွဲ့ရပညာတတ်များသည် ဗဟုသုတ များစွာကြွယ်ဝပြီး ဖြစ်မည်ဟု မျှော်လင့်ချက်များရှိနေပါကြောင်း၊ ထို့ကြောင့် မိမိတို့၏ ကျောင်းသား ကျောင်းသူများ၏ အနာဂတ်လိုအပ်ချက်များကို ဖြည့်ဆည်းပေးနိုင်မည့် ဗဟုသုတနှင့် စွမ်းရည်များ တတ်မြောက်အောင် သင်ကြားပေးရန် အဆင့်မြင့်ပညာတက္ကသိုလ်များတွင် တာဝန်ရှိပါကြောင်း ပြောကြားသည်။

ယင်းနောက် နိုင်ငံတော်သမ္မတ၏ဇနီး ဒေါ်စုစုလွင်က ဘွဲ့လွန်အဆင့် စာစီစာကုံးပြိုင်ပွဲ၊ ကျပန်းစကားပြောပြိုင်ပွဲ၊ စကားဝိုင်း ဆွေးနွေးပွဲပြိုင်ပွဲ၊ ပြိုင်ပွဲသုံးမျိုးလုံးတွင် ပထမဆုရ မောင်စိုင်းရွှေထွန်းဦး၊ ဒုတိယဆုရ မအေးချယ်ရီထွန်းနှင့် တတိယဆုရ မကျော့ရွှေရည်တို့အား ဂုဏ်ပြုဆုများ ပေးအပ်ချီးမြှင့်သည်။

ဆက်လက်၍ ဒုတိယသမ္မတ ဦးဟင်နရီဗန်ထီးယူက ဘွဲ့ကြိုအဆင့် စာစီစာကုံးပြိုင်ပွဲ၊ ကျပန်းစကားပြောပြိုင်ပွဲ၊ စကားဝိုင်း ဆွေးနွေးပွဲပြိုင်ပွဲ၊ ပြိုင်ပွဲသုံးမျိုးလုံးတွင် ပထမဆုရ မောင်စတီဗင်ဇော်ဇင်မြတ်၊ ဒုတိယဆုရ မောင်စွမ်းပြည့်အောင်နှင့် တတိယဆုရ မောင်ဖြိုးသူရဌေးတို့အား ဂုဏ်ပြုဆုများပေးအပ်ချီးမြှင့်သည်။

ထို့နောက် ပြည်ထောင်စုဝန်ကြီး ဒုတိယဗိုလ်ချုပ်ကြီးရဲအောင်က ဘွဲ့လွန်အဆင့် စာစီစာကုံးပြိုင်ပွဲတွင် ပထမ၊ ဒုတိယ၊ တတိယဆု ရရှိကြသူများအားလည်းကောင်း၊ ဒေါက်တာ ၀င်းမြတ်အေးက ဘွဲ့ကြိုအဆင့်စာစီစာကုံးပြိုင်ပွဲတွင် ပထမ၊ ဒုတိယ၊ တတိယဆုရရှိကြသူများ အားလည်းကောင်း၊ ဦးသန့်စင်မောင်က ဘွဲ့လွန်အဆင့် ကျပန်းစကားပြောပြိုင်ပွဲတွင် ပထမ၊ ဒုတိယ၊ တတိယဆု ရရှိကြသူများအားလည်းကောင်း၊ နေပြည်တော်ကောင်စီဥက္ကဋ္ဌ ဒေါက်တာ မျိုးအောင်က ဘွဲ့ကြိုအဆင့် ကျပန်းစကားပြောပြိုင်ပွဲတွင် ပထမ၊ ဒုတိယ၊ တတိယဆု ရရှိကြ သူများအားလည်းကောင်း၊ ပြည်ထောင်စု ၀န်ကြီး ဒေါက်တာမြင့်ထွေးက ဘွဲ့လွန်အဆင့် စကားဝိုင်း ဆွေးနွေးပွဲပြိုင်ပွဲတွင်  ပထမ၊ ဒုတိယ၊ တတိယဆု ရရှိကြသူများ အားလည်းကောင်း၊ ဒေါက်တာ မျိုးသိမ်းကြီးက ဘွဲ့ကြိုအဆင့် စကားဝိုင်းဆွေးနွေးပွဲပြိုင်ပွဲတွင် ပထမ၊ ဒုတိယ၊ တတိယ ဆုရရှိ ကြသူများအားလည်းကောင်း၊ အမျိုးသားပညာရေး မူဝါဒကော်မရှင်ဥက္ကဋ္ဌ ဒေါက်တာမျိုးမြင့်က အကဲဖြတ်ဒိုင်များ အားလည်းကောင်း ဂုဏ်ပြုလက်ဆောင်များ အသီးသီး ပေးအပ်ချီးမြှင့်ကြပြီး အခမ်းအနားကို ရုပ်သိမ်းလိုက်သည်။

အခမ်းအနားအပြီးတွင် နိုင်ငံတော်သမ္မတနှင့် ဇနီး၊ ဧည့်သည်တော်များသည် ဆုရကျောင်းသား ကျောင်းသူများနှင့်အတူ စုပေါင်း၍ မှတ်တမ်းဓာတ်ပုံရိုက်ကြပြီး တက်ရောက် လာသူများအား ရင်းရင်းနှီးနှီးနှုတ်ဆက်သည်။

အဆင့်မြင့်ပညာ ကျောင်းသားကျောင်းသူများအတွက် ဗဟိုအဆင့် အင်္ဂလိပ်ဘာသာစကား စွမ်းရည်ပြိုင်ပွဲများကို သုတေသနစွမ်းရည်၊ ဦးဆောင်မှုစွမ်းရည်၊ ICT တတ်မြောက်မှု၊ ပြည်သူ့နီတိ ကျင့်ဝတ်ဆိုင်ရာများ၊ ခေတ်သစ်ကမ္ဘာကြီး၏ ပြောင်းလဲမှုများကို သိမြင်နားလည်ခြင်း၊ ယဉ်ကျေးမှု အထွေထွေရောယှက်နေမှုကို သိမြင်နားလည်ခြင်း၊ ပတ်ဝန်းကျင် ထိန်းသိမ်းရေးဆိုင်ရာ သိမြင်နားလည်ခြင်း၊ ဗဟုသုတများနှင့်ပြည့်ဝသော ဘက်စုံစွမ်းရည်ထက်မြတ်သော လူငယ်များကို ပြုစုပျိုးထောင်ရန် ရည်ရွယ်ချက်များဖြင့် ၂၀၀၇ ခုနှစ်တွင် ကျပန်းစကားပြောပြိုင်ပွဲအနေဖြင့် စတင်ကျင်းပခဲ့ခြင်းဖြစ် ကြောင်း၊ အဆိုပါပြိုင်ပွဲများကို အဆင့်မြှင့်တင်ပြီး Essay, Impromptu နှင့် Roundtable Discussion စသည့် ပြိုင်ပွဲ အမျိုးအစား သုံးမျိုးပါဝင်ထည့်သွင်းခဲ့ကြောင်း သိရသည်။

(သတင်းစဉ်)