နေပြည်တော် စက်တင်ဘာ ၃
ပြည်ထောင်စုငြိမ်းချမ်းရေးညီလာခံ - ၂၁
ရာစုပင်လုံ စတုတ္ထနေ့ကို ယနေ့နံနက်(၉) နာရီတွင် နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန
-၂ ၌ ဆက်လက် ကျင်းပသည်။
အစည်းအဝေးတွင် သဘာပတိများအဖြစ် တပ်မတော်ကိုယ်စားလှယ်
ဒုတိယ ဗိုလ်ချုပ်ကြီး ရာပြည့်၊ အစိုးရကိုယ်စားလှယ် ဒေါက်တာတင်မျိုးဝင်း၊ လွှတ်တော်ကိုယ်စား
လှယ် ဒေါ်ရှီလာနန်တောင်၊ တိုင်းရင်းသားလက်နက်ကိုင် အဖွဲ့အစည်း ကိုယ်စားလှယ် ခွန်မြင့်ထွန်း
နှင့် နိုင်ငံရေး ပါတီကိုယ်စားလှယ် ဦးမြင့်စိုး တို့က ဆောင်ရွက်ကြသည်။
စတုတ္ထနေ့အစည်းအဝေးတွင် အဖွဲ့အစည်းအသီးသီးမှ
ကိုယ်စားလှယ်များက သဘောထားအမြင်များကို တင်ပြကြသည်။
ပြည်သူများ၏လက်တွေ့ဘ၀ကိုမြှင့်တင်ပေး
အစိုးရအစုအဖွဲ့မှ ဦးအောင်ကြည်က စစ်ပွဲများသည်
နိုင်ငံနှင့်နိုင်ငံသားများ အပေါ်တွင် ပျက်စီးဆုံးရှုံး စေခဲ့ခြင်းဖြစ်သည့်အတွက် နောက်ထပ်ဆုံးရှုံးမှုများထပ်မံ
မဖြစ်ပေါ်စေရန် မိမိတို့အားလုံးက ငြိမ်းချမ်းရေး လုပ်ငန်းစဉ်ကို တက်ညီလက်ညီ အကောင်အထည်ဖော်နေကြခြင်းဖြစ်ကြောင်း၊
ရေရှည်တည်တံ့ခိုင်မြဲသည့် ငြိမ်းချမ်းရေး ရရန်အတွက် အခြေခံလိုအပ်ချက်မှာ ပြည်သူများ၏
လက်တွေ့ဘ၀ကို မြှင့်တင်ပေး နိုင်ရန်ဖြစ်ကြောင်း၊ ထိုသို့ဆောင်ရွက်သည့်နေရာတွင် နိုင်ငံတော်ကဦးဆောင်ပြီး
ပုဂ္ဂလိက ဘက်ကလည်း တက်တက်ကြွကြွ ပါဝင်ရန်လိုအပ်ကြောင်း၊ ငြိမ်းချမ်းလာသည့်ဒေသများ တွင်
စီးပွားရေးလုပ်ငန်းအသစ်များ တည်ဆောက်၍ အလုပ်အကိုင်အခွင့်အရေးများကို ဖန်တီးပေးနိုင်
မည်ဖြစ်ကြောင်း၊ စီးပွားရေးလုပ်ငန်း အသစ်များ တည်ထောင်သည့် နေရာတွင် လူမှုရေးအရတာဝန်ရှိမှုကိုလည်း
လိုက်နာရန်လိုအပ်သကဲ့သို့ ပတ်ဝန်းကျင် ထိန်းသိမ်းကာကွယ်ရေး၊ သယံဇာတပစ္စည်းများ လေလွင့်ဆုံးရှုံးမှုမရှိစေရေးအတွက်
ဒေသခံများနှင့် တိုင်ပင်ဆွေးနွေးသွားရန် အရေးကြီးကြောင်း။
အဆိုပါဒေသများတွင် ပြည်တွင်းနှင့် နိုင်ငံခြားရင်းနှီးမြှုပ်နှံမှုများ
ဝင်ရောက်လာစေ ရန်အတွက် တိုက်တွန်း စေ့ဆောင်ပေးရမည်ဖြစ်သည့်အပြင် လုပ်ငန်းများကို ဒေသခံ
တိုင်းရင်းသားများက ကြိုဆိုလက်ခံ နိုင်ကြရန်လိုကြောင်း၊ လက်နက်စွဲကိုင်ခဲ့သည့် လူငယ်
များ၏ ပညာရေးအခွင့်အရေး၊ ကျန်းမာရေးအခွင့်အရေး၊ စီးပွားရေးအခွင့်အရေးများကို လည်း ဖွင့်လှစ်ပေးရမည်ဖြစ်ကြောင်း၊
ငြိမ်းချမ်းပြီးသည့်ဒေသများတွင် စီးပွားရေးအရ ဖွံ့ဖြိုး တိုးတက်လာသည်နှင့်အမျှ တစ်နိုင်ငံလုံးငြိမ်းချမ်းရေးရရှိမည့်အလားအလာများသည်
လည်း ပိုမိုကောင်းမွန်လာမည်ဖြစ်ကြောင်း၊ ထို့ကြောင့် တစ်ချိန်က ယမ်းငွေ့များနှင့် ဝေခဲ့သည့်
နေရာများကို မီးခိုးတလူလူဝေနေသည့် စက်ရုံများ၊ အလုပ်ရုံများနှင့် အစားထိုး နိုင်ရန်
မိမိတို့ ကြိုးစားကြရ မည်ဖြစ်ကြောင်းဆွေးနွေးသည်။
ရပိုင်ခွင့်များကို
အပြည့်အ၀ ကာကွယ်
ချင်းအမျိုးသားဒီမိုကရေစီ အဖွဲ့ချုပ်ပါတီမှ
ဦးငိုင်ဆာခ့်က ၂၀၀၈ ခုနှစ် ဖွဲ့စည်းပုံအခြေခံဥပဒေသည် အမျိုးသားလွှတ်တော်၊ ပြည်သူ့လွှတ်တော်ရှိခြင်း၊
အချုပ် အခြာအာဏာ(၃)ရပ် ပိုင်းခြား ကျင့်သုံးခြင်း၊ ဖွဲ့စည်းပုံအခြေခံဥပဒေခုံရုံး ဖွဲ့စည်းခြင်း၊
ပြည်နယ်လွတ်တော်ရှိခြင်း စသည့်အချက်များပါရှိရုံဖြင့် ဖက်ဒရယ်ဆိုင်ရာ သီအိုရီ သဘောတရားများနှင့်ညီညွတ်
သည့်ဖက်ဒရယ်စနစ်၏၀ိသေသ လက္ခဏာ များပါရှိသည့် ဖွဲ့စည်းပုံဟုခေါ်ဆို၍ မရပါကြောင်း၊ မိမိတို့နိုင်ငံတွင်လိုအပ်နေသည်မှာ
ပညာရှင် တစ်ယောက်၏သဘောတရားကို ကိုးကား၍ တည်ဆောက်မည့်ဖက်ဒရယ်စနစ်မျိုး မဟုတ် ပါကြောင်း၊
လက်တွေ့ကျင့်သုံးရာတွင် တန်းတူညီမျှရှိပြီး၊ကိုယ်ပိုင်ပြဌာန်းခွင့် အပြည့်အ၀ရှိ သည့်
ဖက်ဒရယ်စနစ်မျိုးကို လိုအပ်နေခြင်းဖြစ်ကြောင်း၊ လူနည်းစုများ၏ လူမျိုးရေး၊ ဘာသာ ရေးနှင့်နိုင်ငံရေးဆိုင်ရာ
ရပိုင်ခွင့်များကို အပြည့်အ၀ကာကွယ်ပေးပြီး အာမခံ ချက်ရှိသည့် ဖက်ဒရယ်စနစ်မျိုးဖြစ်ပါကြောင်း။
တပ်မတော်ကို မြန်မာ့တပ်မတော်အဖြစ်ဖွဲ့စည်းခြင်းမပြုဘဲ
တိုင်းရင်းသားလူမျိုးများ အချိုးတူပါဝင်၍ တန်းတူညီမျှသောအခွင့်အလမ်းရရှိသည့် ပြည်ထောင်စုတပ်မတော်
အဖြစ်ဖွဲ့စည်းတည်ထောင်သင့်ပါကြောင်း၊ တပ်မတော်ကို အရပ်သားကာကွယ်ရေး ၀န်ကြီး၏ လက်အောက်တွင်ထားရှိရမည်
ဖြစ်ပြီးနိုင်ငံတော် ကာကွယ်ရေး တာဝန်ကိုသာ ထမ်းဆောင်နိုင်ရန် အခြေခံဥပဒေအရ ကန့်သတ်ပြဌာန်းပေးရန်
လိုအပ်မည် ဖြစ်ကြောင်း၊ လုံခြုံရေး၊ တရားဥပဒေစိုးမိုးရေးတပ်ဖွဲ့များကို ပြည်နယ်အစိုးရလက်အောက်တွင်
ထားရှိပြီး ပြည်နယ်အေးချမ်းတည်ငြိမ်ရေးတာဝန်ကို ရယူရန် ဆောင်ရွက်ပေးရမည်ဖြစ်ကြောင်း
ဆွေးနွေးသည်။
အခွန်ကောက်ခံ
ရမည့် နယ်ပယ်ကို တိုးချဲ့ဆောင်ရွက်
တပ်မတော်မှ ဗိုလ်မှူးကြီး ကျော်စိုးဦး က တိုင်းဒေသကြီး (သို့) ပြည်နယ် အစိုးရ အဖွဲ့အစည်းများအနေဖြင့်
ဥပဒေနှင့်စီမံခန့်ခွဲရေးပိုင်းဆိုင်ရာ လူသားအရင်းအမြစ် ဖွံ့ဖြိုး တိုးတက်ရေးဆောင်ရွက်ပြီး
ကျွမ်းကျင်ဝန်ထမ်း များဖြင့်သာ နည်းဥပဒေလုပ်ထုံး လုပ်နည်း များအတိုင်း စနစ်တကျအကောင်အထည်
ဖော်ဆောင် ရွက်သင့်ကြောင်း၊ အခွန် ကောက်ယူ ရာတွင် အခွန်နှုန်းထားတိုးမြှင့်ကောက်ခံခြင်းထက်
အခွန်ကောက်ခံရမည့် နယ်ပယ်ကို တိုးချဲ့ဆောင်ရွက်သင့်ကြောင်း၊ ထိုသို့ဆောင်ရွက်ရာတွင်
မြန်မာ နိုင်ငံလူဦးရေး၏ ၇၀ ရာခိုင်နှုန်းရှိသော ကျေးလက်နေပြည်သူများနှင့်အခြေခံလူတန်းစားများအပေါ်
ဝန်ထုပ်ဝန်ပိုး မဖြစ်စေရန် အထူးဂရုပြုဆောင်ရွက်သင့်ကြောင်း။
တန်းတူညီမျှမှုနှင့် ရေရှည်ဖွံ့ဖြိုးတိုးတက်ရေးကို
ဖော်ဆောင်နိုင်မည့်အခွန်စနစ်နှင့် ဘဏ္ဍာငွေ ခွဲဝေသုံးစွဲမှု စနစ်များ ဖြစ်ထွန်းလာအောင်ဆောင်ရွက်သင့်ကြောင်း၊
အခွန် တိမ်းရှောင်မှုနှင့် အဂတိလိုက်စားမှုများ မရှိစေရေးအတွက် အခွန်ကောက်ခံသူဝန်ထမ်း
များအပါအ၀င် အဂတိလိုက်စားမှုနှင့် ဆက်စပ်သူများကို ပညာပေးခြင်း၊ ထိန်းချုပ်ဟန့် တားခြင်းနှင့်
ဥပဒေကြောင်းအရ ထိရောက်စွာအရေးယူခြင်းများ ဆောင်ရွက်သင့် ကြောင်း၊ တိုင်းဒေသကြီး/ပြည်နယ်များအနေဖြင့်
အခွန်ဘဏ္ဍာငွေကောက်ခံရရှိမှု အချိုးအစား ပမာဏတူ ညီမှုမရှိနိုင်သည့်အားလျော်စွာ ပြည်သူလူထု၏
လူမှုစီးပွားဘ၀ လိုအပ်ချက် များကို အချိုးညီစွာ ဖြည့်ဆည်းပေးနိုင်ရေးအတွက် နှစ်စဉ်ပြည်ထောင်စုဘဏ္ဍာငွေ
မှခွဲဝေမှုကိုလိုအပ်သလို ထိန်းညှိဆောင်ရွက် ပေးသင့်ပါကြောင်း ဆွေးနွေးသည်။
စားပွဲဝိုင်းဖြေရှင်းနည်းဖြင့်
ဖြေရှင်း
လွှတ်တော်အစုအဖွဲ့မှ ဦးသိမ်းဆွေ က လွတ်တော်ကိုယ်စားလှယ်များအနေဖြင့်
ပြည်သူကို ကတိပြုထားသည့်အတိုင်း တိုင်းရင်းသားအရေးနှင့် ပြည်တွင်းငြိမ်းချမ်းရေး အတွက် တိုင်းရင်းသားအားလုံးလက်တွဲမဖြုတ်စတမ်း သွေးစည်းညီညွှတ်မှုဖြင့်
ပြည်ထောင်စုကြီးတစ်ခုလုံး ငြိမ်းချမ်းသာယာရေး၊ ဖွံ့ဖြိုးတိုးတက်ရေးနှင့်တည်တံ့ ခိုင်မြဲရေးအတွက်
ဦးတည်ဆောင်ရွက်ရမည်ဖြစ်ကြောင်း၊ ပြည်တွင်းလက်နက်ကိုင် ပဋိပက္ခများ၏ အရင်းအမြစ်များကို
ဖယ်ရှားရန်၊ အာဃာတကင်းစင်ပြီး ပင်လုံစိတ်ဓာတ်ကို အခြေခံသော နိုင်ငံရေး တွေ့ဆုံဆွေးနွေးပွဲများမှတစ်ဆင့်
ပြည်သူ့ဘ၀လုံခြုံ၊ အေးချမ်း စေမည်ဖြစ်ကြောင်း၊ လွတ်လပ်ခြင်း၊ တူညီသောအခွင့်အရေးရရှိခြင်းနှင့်
ကိုယ့်ကြမ္မာကိုယ် ဖန်တီးခွင့်ရှိခြင်းများနှင့် ပြည့်စုံသောစစ်မှန်သည့် ဖက်ဒရယ်ဒီမိုကရေစီ
ပြည်ထောင်စု တည်ဆောက်ရေးကို ဦးတည်ဆောင်ရွက်မည်ဖြစ်ကြောင်း။
UPDJC ၏ အစိုးရ၊ လွှတ်တော်၊ တပ်မတော်တို့ပါဝင်သော
(၃)စုပါ အစုအဖွဲ့တွင် အတွင်းရေးမှူးအဖွဲ့၌ လွှတ်တော်ကိုယ်စားပြု ကိုယ်စားလှယ်တစ်ဦးပါဝင်ရန်
တင်ပြခြင်းမှာ ငြိမ်းချမ်းရေး ဖြစ်စဉ်ကြီးမှာပြည်သူက ရွေးချယ်တင်မြှောက်ထားသော လွတ်တော်ကိုယ်
စားလှယ်များအနေဖြင့် နီးကပ်စွာ ပူးပေါင်းပါဝင်လက်တွဲ ဆောင်ရွက်နိုင်ရန်ဖြစ်ပါကြောင်း၊
သို့မှသာ ဒုတိယအချက်ဖြစ်သော (၂၁)ရာစုပင်လုံ၊ ပထမအကြိမ် အစည်းအဝေးကြီး အပြီးတွင် ဆက်လက်
ဆောင်ရွက်မည်ဖြစ်သော နိုင်ငံရေးဆွေးနွေးပွဲများ၊ လူမျိုးအလိုက်/ ဒေသ အလိုက်/အကြောင်းအရာအလိုက်
ဆက်လက်ဆွေးနွေးကြမည်ဖြစ်သည့် အမျိုးသား အဆင့် ဆွေးနွေးပွဲများတွင်ပါဝင် လက်တွဲဆောင်ရွက်နိုင်ကြမည်ဖြစ်ပါကြောင်း၊
သို့မှသာ ပြည်ထောင်စုငြိမ်းချမ်းရေး ညီလာခံကြီး၊ (၂၁)ရာစုပင်လုံညီလာခံကြီး၏ ဆွေးနွေးပွဲ
အဆင့်ဆင့်များမှတဆင့် ရရှိလာသော ပြည်ထောင်စုငြိမ်းချမ်းရေးသဘောတူညီချက် (Union
Accord)ကို ပြည်ထောင်စုလွတ်တော်သို့ တင်သွင်းအတည်ပြုရာတွင် ပိုမို လွယ်ကူချောမွေ့စွာ
ဆောင်ရွက်နိုင်မည်ဖြစ်ပါကြောင်း ဆွေးနွေးသည်။
စီမံကိန်းများကို
ယာယီအားဖြင့် ရပ်ဆိုင်း
ထားဝယ် တိုင်းရင်းသားများပါတီမှ ဦးအေးမင်း
က
အခွန်နှင့်ဘဏ္ဍာငွေ ခွဲဝေမှုများ
အနေဖြင့် သက်ဆိုင်ရာကဏ္ဍများအလိုက် တိကျစွာ သတ်မှတ်ပြဌာန်းထားသော ၀င်ငွေနှင့် အခွန် ခွဲဝေခံစားသင့်သည့်
ရာခိုင်နှုန်းအချိုး အစားကိုတိကျစွာ သတ်မှတ်ရေးများစွာ အရေးကြီးပါကြောင်း၊ အခွန်နှင့်ဘဏ္ဍာငွေ
ခွဲဝေမှု အချိုးအစားကို ဥပဒေကဲ့သို့သော ခိုင်မာသည့် စည်းမျဉ်းများဖြင့် သတ်မှတ် ပြဌာန်းပေးရန်
လိုအပ်ပါကြောင်း၊ တိုင်းရင်းသား များသည် သဘာဝတောတောင်ရေမြေများကို အမှီပြုပြီး သဟဇာတဖြစ်စွာ
အသက်မွေးမှု ပြုကြရသည်ဖြစ်ရာ ၄င်းတို့ဒေသများရှိ သဘာဝတောတောင်များအား အသုံးပြုခွင့်၊
ထိန်းသိမ်းစောင့်ရှောက်ခွင့် ရှိရမည်ဖြစ်ပါကြောင်း၊ သဘာဝပတ်ဝန်းကျင်ထိန်းသိမ်းရေးကို
အကြောင်းပြုကာ မြေယာဧကသိန်းသန်းချီအား ထိန်းသိမ်းရေး နယ်မြေများဖွဲ့စည်းခြင်းကို အားမပေးပါကြောင်း၊
စိုက်ပျိုးရေးလုပ်ငန်းများကို အမည်ခံကာ သိမ်းယူထားသော မြေယာများ ပြန်ပေးရန်လိုအပ်ပါကြောင်း၊
ပြန်ပေးရန်လည်း အလေးအနက်တိုက်တွန်းလို ပါကြောင်း။
သဘာဝဓာတ်ငွေ့၊သစ်တော၊သတ္တုစသည့်အမျိုးမျိုးသော
သဘာဝသယံဇာတကို သက်ဆိုင်ရာ ပြည်နယ်များအလိုက် ပြည်ထောင်စုအစိုးရနှင့်အချိုးညီစွာစီမံခန့်ခွဲ
ပိုင်ခွင့်ရရှိ ရေးသည် အရေးပါပါကြောင်း၊ ဗဟိုအစိုးရ၏လိုအပ်ချက်တစ်ခုတည်းဖြင့် စီးပွားရေး
စီမံကိန်းများ၊ စီမံချက်များကို မဖော်ဆောင်သင့်ပါကြောင်း၊ တစ်နိုင်ငံလုံးအတိုင်း အတာဖြင့်
စစ်မှန်သော ငြိမ်းချမ်းရေးကို မရရှိမီစပ်ကြား တိုင်းရင်းသားဒေသများရှိသယံ ဇာတတူးဖော်
ထုတ်လုပ်သော စီမံကိန်းများထပ်မံခွင့်မပြုရန်နှင့် ရှိနှင့်ပြီး စီမံကိန်းများကို ယာယီအားဖြင့်
ရပ်ဆိုင်းထားရန် လိုအပ်ပါကြောင်းဆွေးနွေးသည်။
ခေတ်နှင့်အညီပြင်ဆင်ဖြည့်စွက်
တပ်မတော်အစုအဖွဲ့မှဗိုလ်မှူးကြီး ဇော်ဝင်းထွန်း
က အစိုးရအဆင့်ဆင့်အနေဖြင့် သယံဇာတအသစ် ရှာဖွေခြင်း၊ စမ်းသပ်တိုင်းတာခြင်းနှင့် အသေးစိတ်တွက်ချက်ခြင်းများ
ကို ပွင့်လင်းမြင်သာမှုရှိအောင် ဆောင်ရွက်ရမည်ဖြစ်ပြီး တစ်ဆက်တည်းမှာပင်ဗဟို ချုပ်ကိုင်မှု
လျှော့ချခြင်းများကိုလည်း အခြေအနေအရပ်ရပ်အပေါ်ချိန်ဆ၍ လုပ်ဆောင် သွားရန်လိုအပ်မည်ဖြစ်ပါကြောင်း၊
မြန်မာနိုင်ငံအနေဖြင့် မျက်မှောက်ကာလတွင်သယံ ဇာတစီမံခန့်ခွဲမှုနှင့် ခွဲဝေမှုများ ဆောင်ရွက်ရာတွင်
မှန်ကန်မျှတရန်နှင့် လက်ရှိဖြစ်ပေါ်နေ သော စိန်ခေါ်မှုများကို ကျော်လွှားနိုင်ရန်အတွက်
သက်ဆိုင်ရာဝန်ကြီးဌာနများ၏ ဥပဒေများ လုပ်ထုံးလုပ်နည်းများကို ခေတ်နှင့်အညီပြင်ဆင်ဖြည့်စွက်
ရေးဆွဲပြဌာန်းရန် လိုအပ်မည် ဖြစ်ပါကြောင်း။
သယံဇာတ၀င်ငွေမှရရှိသည့် ၀င်ငွေများကို
အနာဂတ်မျိုးဆက်သစ်များအတွက် ရင်းနှီးမြှုပ်နှံရန်၊ လူသားအရင်းအမြစ်ဖွံ့ဖြိုးတိုးတက်ရေးအတွက်
အသုံးပြုရန်နှင့် သယံ ဇတအပေါ် အခြေမခံသည့် နိုင်ငံ၏ စီးပွားရေးလုပ်ငန်းများတွင် ဖြန့်ကျက်၍
ရင်းနှီးမြှုပ် နှံထားနိုင်ရန်အတွက် ကောင်းမွန်ပြည့်စုံသောအစီအမံများကို ရေးဆွဲဆောင်ရွက်ရန်လို
အပ်မည်ဖြစ်ပါကြောင်း၊ အနာဂတ်တွင်ပြည်သူများ၏ လူမှုစီးပွားဘ၀ တိုးတက်မြင့်မား အောင်အကောင်အထည်ဖော်နိုင်ရန်အတွက်
သယံဇာတစီမံခန့်ခွဲခြင်းနှင့် ခွဲဝေမှုဆိုင်ရာ စီမံကိန်းများတွင် တာဝန်ယူမှု၊ တာဝန်ခံမှုနှင့်ပွင့်လင်းမြင်သာမှုများ
တိုးတက်အားကောင်း လာစေရန် လုပ်ဆောင်သင့်ပါကြောင်း ဆွေးနွေးသည်။
မတူခြားနားမှုများ
ပေါင်းစည်းထား
ပါဝင်သင့် ပါဝင်ထိုက်သူများမှ ဦးဇော်ဌေး က နိုင်ငံရေးအရကြည့်မည်ဆိုပါက လူမှုဘ၀၊ ယဉ်ကျေးမှု၊
နိုင်ငံရေးဝိသေသလက္ခဏာများကို အခြေခံ၍ အချိုးညီဖြစ်သင့် သည်ဆိုသည်ကို အများဆုံး စဉ်းစားတတ်ကြပါကြောင်း၊
နိုင်ငံကိုအလျားလိုက်ဖွဲ့စည်း တည်ဆောက်မှုဆိုင်ရာ စဉ်းစားချက်ဖြစ်ပါကြောင်း၊ အဆိုပါမေးခွန်းနှင့်ပတ်သတ်သည့်
အဖြေကို ရွေးချယ်ရာတွင် နိုင်ငံ၏ ပထ၀ီဝင် အခြေအနေ၊ ပထ၀ီဝင်နိုင်ငံရေးအခြေအနေ ပထ၀ီဝင်
ဘောဂဗေဒအခြေအနေများကို ဆက်စပ်စဉ်စားကြဖို့လိုအပ်ပါကြောင်း၊ မြန်မာနိုင်ငံသည် ပထ၀ီအနေအထားအရ
မတူခြားနားမှုများ ပေါင်းစည်းထားသည့် အပြင် သမိုင်းကြောင်းတစ်လျှောက် ဒေသန္တရဖွံ့ဖြိုးရေးကို
မည်သည့်နည်းလမ်းဖြင့် ဆောင်ရွက် ခဲ့သည်ကို ထည့်သွင်းစဉ်းစားသုံးသပ်ကြရန် လိုအပ်မည်ဖြစ်ကြောင်း၊
အချို့သော ပြည်နယ် များသည် ပထ၀ီကပေးသည့် ဖြစ်တည်မှု အခြေအနေအရ ဗဟိုအစိုးရ၏ ကူညီပံ့ပိုးမှု
မဖြစ်မနေ လိုအပ်ပါကြောင်း၊ အချို့သော ပြည်နယ်များသည် သဘာဝသယံဇာတ အရင်းအမြစ်များ ကြွယ်ဝနေသည့်အတွက်
ဗဟိုအစိုးရ၏ကူညီပံ့ပိုးမှုကို မှီခိုစရာ မလိုဘဲ ရည်တည်နိုင်အောင် ကြိုးစားသွားနိုင်သည့်
အနေအထားမျိုးရှိပါကြောင်း၊ ထို့ကြောင့် အချိုးညီဖက်ဒရယ် သို့မဟုတ် အချိုးမညီဖက်ဒရယ်ဆိုသည့်
မူသဘောကို ဦးစွာရွေးချယ် ရန် အရေးကြီးကြောင်း။
ဖက်ဒရယ်ဆိုသည်မှာ ကိုယ်ပိုင်ပြဌာန်းခွင့်၊
ကိုယ်ပိုင်အုပ်ချုပ်ခွင့်စသည့်ပိုင်းခြား ကွဲပြားမှုကို ခွဲဝေခြင်းဖြစ်ပြီး တစ်ချိန်တည်းမှာပင်
အဆိုပါပိုင်းခြားမှုများကို ပြန်လည်စုစည်း ခြင်းဖြစ်သည့်အတွက် ၀ိရောဓိအသွင်ဆောင်ပါကြောင်း၊
ဆန့်ကျင်ဘက်နှစ်ခုပေါင်းစည်း မှုအောင်မြင်ပြီး ဟန်ချက်တည်ငြိမ်ရေးအတွက်သော့ချက်မှာ ပူးပေါင်းဆောင်ရွက်မှု
ဖြစ်ပါကြောင်း၊ မတူကွဲပြားသည့် ဒေသန္တရများ၊ လူမျိုးစုများ၏ ၀ိသေသလက္ခဏာကို မြှင့် တင်
ပေါင်းစည်းခြင်းမှတစ်ဆင့် ဘုံအမျိုးသားရေးဆိုင်ရာ ၀ိသေသလက္ခဏာ National Identity ကို
ခိုင်မာအောင် တည်ဆောက်နိုင်စွမ်းရှိရမည်ဖြစ်ကြောင်း၊ အာဏာခွဲဝေမှု Power Sharing၊ အခွန်အကောက်ခွဲဝေရေး
Tax Sharing၊ သယံဇာတခွဲဝေရေး Resource Sharing နှင့်တာဝန်သိ၊ တာဝန်ယူမှုခွဲဝေရေး
Accountability Sharing လည်း ဖြစ်ပါကြောင်း ဆွေးနွေးသည်။
အင်္ဂါရပ်
(၇)ရပ်
ပအိုဝ့်အမျိုးသား အဖွဲ့ချုပ်ပါတီမှ ခွန်စိုးမြင့် က ၂၀၀၈ဖွဲ့စည်းပုံ အခြေခံဥပဒေ၏ ပုဒ်မ ၅၃
- (က) ကိုကြည့်ခြင်းအားဖြင့် ပြည်နယ်သစ်များဖွဲ့စည်းခွင့်ကို ပေးထားသလို ဖြစ်သော် လည်း
ပုဒ်မ ၅၃ - (ယ) ၊ (င)၊ (စ) တို့သည် တိုင်းရင်းသားတန်း တူရေးကို ပြန်လည်အဟန့်အတားဖြစ်စေပါကြောင်း။
၁၉၄၇ခုနှစ်၊ ဖ.ဆ.ပ.လ ပဏာမညီလာခံတွင် ၁၉၄၇
ဖွဲ့စည်းပုံအခြေခံဥပဒေညှိနှိုင်း ရေးဆွဲကြရာ၌ ဗိုလ်ချုပ်အောင်ဆန်းနှင့်တိုင်းရင်းသားခေါင်းဆောင်များက
လွတ်လပ်၍ အချုပ်အခြာအာဏာပိုင်သည့် ပြည်ထောင်စုမြန်မာနိုင်ငံတော်ကြီးကို ဖွဲ့စည်းတည်ဆောက်
ကြစဉ်က အင်္ဂါရပ် (၇)ရပ်နှင့် ပြည့်စုံသည့် တိုင်းရင်းသားလူမျိုးများကို
ပြည်ထောင်စုဝင် ပြည်နယ်များအဖြစ် သတ်မှတ်ပေးရမည်ဟု သတ်မှတ်ပြဌာန်းခဲ့ပါကြောင်း၊ ယင်းအခြေခံ
အင်္ဂါရပ်(၇)ရပ်မှာ ပထ၀ီအနေအထားအရ နယ်နိမိတ်အထင်အရှားရှိခြင်း၊ ဗမာစကားနှင့် မတူသော ဘာသာစကားတစ်မျိုးတည်းရှိခြင်း၊
ယဉ်ကျေးမှုတစ်မျိုး တည်းရှိခြင်း၊ ရာဇ၀င် အစဉ်အလာတစ်မျိုးတည်းရှိသော လူမျိုးစုဖြစ်ခြင်း၊
စီးပွားရေးဆိုင်ရာ အကျိုးကျေးဇူးနှင့် စီးပွားရေးလုံလောက်မှုရှိသော လူမျိုးစုဖြစ်ခြင်း၊
လူဦးရေအတော်အတန်ရှိခြင်း၊ ပြည်ထောင်စု အဖွဲ့ဝင် ဒေသတစ်ခုအဖြစ် နေထိုင်လိုသော ဆန္ဒရှိခြင်းတို့ဖြစ်ပါကြောင်း။
မိမိတို့ပအိုဝ်းလူမျိုးသည် အထက်ပါဂုဏ်အင်္ဂါရပ်များနှင့်
ပြည့်စုံသောလူမျိုးတစ်မျိုး ဖြစ်သည့်အတွက် ၂၀၀၈ဖွဲ့စည်းပုံအခြေခံဥပဒေကို ပြန်လည်ပြင်ဆင်ရာတွင်လည်းကောင်း၊
နောင်ရေးဆွဲမည့် ဖက်ဒရယ်ဒီမိုကရေစီပြည်ထောင်စုဖွဲ့စည်းပုံ အခြေခံဥပဒေတွင်လည်း ကောင်း၊
လူမျိုးအမည်နာမနှင့် ပထ၀ီကိုပေါင်းစပ်အခြေခံထားသော ဖက်ဒရယ်ဒီမိုကရေစီ ပြည်ထောင်စုနိုင်ငံတော်အဖြစ်
ပြင်ဆင်ပြောင်းလဲဖွဲ့စည်းကာ လက်ရှိပအိုဝ်းကိုယ်ပိုင်အုပ် ချုပ်ခွင့်ရဒေသကို အခြေခံပြီး
ရှမ်းပြည်နယ်တောင်ပိုင်းရှိ ပအိုဝ်းလူဦးရေ ၄၀ ရာခိုင်နှုန်း ကျော်ရှိသော အခြားမြို့နယ်များကို
စုစည်း၍ ပအိုဝ်းအမျိုးသားပြည်နယ်အဖြစ် ပြည်နယ် သစ်များ ပေါ်ထွန်းခွင့်ဥပဒေနှင့်အညီ သတ်မှတ်ပြဌာန်းပေးသင့်ပါကြောင်း
ဆွေးနွေးသည်။
၃
နှစ်မှ ၅ နှစ်အတွင်း ပြီးပြတ်အောင်ဆောင်ရွက်
တပ်မတော်အစုအဖွဲ့မှ ဗိုလ်မှူးကြီး နေလင်းထွန်း က တိုင်းရင်းသား လက်နက်ကိုင် အဖွဲ့အစည်းများ
အနေဖြင့် NCA စာချုပ်ကိုအခြေခံ၍ မိမိတို့၏ နိုင်ငံရေး ရည်မှန်းချက်များကို နိုင်ငံရေးနည်းလမ်းဖြင့်သာ
ဆောင်ရွက်ရပါကြောင်း၊ နိုင်ငံရေး ရည်မှန်းချက်များကို ပြည်ထောင်စုငြိမ်းချမ်းရေးညီလာခံ(၂၁)
ရာစုပင်လုံမှ လမ်းဖွင့်ပေး ထားသည့် နိုင်ငံရေးလမ်းကြောင်းအတိုင်း ပါဝင်လျှောက်လှမ်းပြီး
နိုင်ငံရေး လမ်းပြမြေပုံနှင့် အညီ DDR လုပ်ငန်းစဉ်များကိုသတ်မှတ်ကာလအတွင်း မဖြစ်မနေ
အကောင်အထည်ဖော် ဆောင်ရွက်ရမည်ဖြစ်ပါကြောင်း၊ DDR/SSR လုပ်ငန်းစဉ်ကို အမြန်ပြီးပြတ်အောင်
ဆောင်ရွက်ရန်နှင့် နိုင်ငံရေးဆွေးနွေးပွဲများ၊ ငြိမ်းချမ်းရေးညီလာခံ များကို ၃နှစ်မှ
၅ နှစ်အတွင်း ပြီးပြတ်အောင် ဆောင်ရွက်ရမည်ဖြစ်ပါကြောင်း၊ နိုင်ငံတော် ကာကွယ်ရေးနှင့်
လုံခြုံရေးတာဝန်ကိုဆောင် ရွက်ရာတွင် တပ်မတော်ကိုမဏ္ဍိုင်ပြုပြီး တိုင်းရင်းသား ပြည်သူတစ်ရပ်လုံးက၀ိုင်းဝန်း
ပူးပေါင်းဆောင်ရွက်သွားရမည်ဖြစ်ကြောင်း ဆွေးနွေးသည်။
နိုင်ငံရေးနည်းနှင့်
ဖြေရှင်း
တိုင်းရင်းသားကိုယ်စားလှယ် ဦးခက်ထိန်နန် က မိမိတို့နိုင်ငံသည် လွန်ခဲ့သည့် ခြောက်နှစ်ခန့်ကစ၍
အရေးကြီးသည့် နိုင်ငံရေးဖြစ်စဉ် ဒီမိုကရေစီ အသွင်ကူးပြောင်းခြင်းကို စတင်လျှောက်လှမ်းခြင်းနှင့်အတူ
မရှေးမနှောင်းမှာပင် အရေးအကြီးဆုံးဖြစ်သည့် ငြိမ်းချမ်းရေးလုပ်ငန်းစဉ်ကို စတင်နိုင်ခဲ့ပါကြောင်း၊
မြန်မာနိုင်ငံသည် နှစ်ပေါင်း ၇၀ နီးပါး ဖြစ်ပွားနေသည့် လက်နက်ကိုင်ပဋိပက္ခများအား အဆုံးသတ်နိုင်ရေးအတွက်
နိုင်ငံရေး ပြဿနာကို စစ်ရေးနှင့် မဖြေရှင်းဘဲ နိုင်ငံရေးနည်းနှင့် ဖြေရှင်းနိုင်ရန်အတွက်
တစ်နိုင်ငံလုံး အပစ်အခတ်ရပ်စဲရေးသဘောတူစာချုပ်ကို လက်မှတ်ရေးထိုးနိုင်ခဲ့သော်လည်း အားလုံး
ပါဝင်နိုင်ခြင်း မရှိသေးသည့်အတွက် အချို့ဒေသများတွင် ပစ်ခတ်တိုက်ခိုက်မှုများ ဆက်လက်ဖြစ်ပွားနေပါကြောင်း၊
နိုင်ငံရေးဆွေးနွေးပွဲများ မည်သို့ပင်လုပ်နေသော်လည်း သေနတ်သံ မတိတ်ပါက ငြိမ်းချမ်းရေးခရီးသည်
အလှမ်းဝေးသွားနိုင်သကဲ့သို့ လက်ရှိကျင်းပနေသည့် ညီလာခံနှင့်အတူ နောင်ကျင်းပမည့် ဆွေးနွေးပွဲတွေအပေါ်တွင်
လည်း ယုံကြည်မှုအားနည်းစေနိုင်ပါကြောင်း၊ ဒေသခံပြည်သူများ၏ ပူးပေါင်းဆောင်ရွက်မှု ကိုလည်း
အားနည်းစေနိုင်ပါကြောင်း၊ ထို့ကြောင့် အပစ်အခတ်ရပ်စဲရေးကို အရေးကြီးဆုံး ဦးစားပေးအဆင့်အနေနှင့်
ဆောင်ရွက်သွားကြရမည်ဖြစ်ပါကြောင်း။
လွတ်လပ်မှု၊ တန်းတူညီမျှမှု၊ တရားမျှတမှုတို့ကို
အခြေခံပြီး ပင်လုံစိတ်ဓာတ်နှင့် ဒီမိုကရေစီရေး၊ အမျိုးသားတန်းတူရေးနဲ့ ကိုယ်ပိုင်ပြဋ္ဌာန်းနိုင်သည့်
အခွင့်အရေးများအား အာမခံချက်အပြည့်အ၀ရှိသော ဖက်ဒရယ်ဒီမိုကရေစီ ပြည်ထောင်စုကို နိုင်ငံရေးဆွေးနွေးပွဲ
ရလဒ်များနှင့်အညီ တည်ဆောက်သွားနိုင်ရန် အရေးကြီးပါကြောင်း၊ မှန်ကန်မျှတသည့် နိုင်ငံရေး
ဆွေးနွေးပွဲရလဒ်ရှိနိုင်ရန်အတွက် နိုင်ငံရေးဆွေးနွေးသည့်နေရာတွင် တစ်ဖွဲ့နှင့် တစ်ဖွဲ့
တစ်ဘက်နှင့်တစ်ဘက် ဖိအားပေးအကြပ်ကိုင်သည့် အနေအထားမျိုး မဖြစ်စေရန် လွန်စွာအရေးကြီးပါကြောင်း
ဆွေးနွေးသည်။
ယင်းနောက် ပြည်ထောင်စုငြိမ်းချမ်းရေးညီလာခံ
- ၂၁ ရာစုပင်လုံ ပထမ အစည်း အဝေးတွင် ပြောကြားခဲ့သည့် အဖွင့်မိန့်ခွန်းများ၊ ညီလာခံတက်ရောက်သူများ
စာရင်း၊ အစုအဖွဲ့ အသီးသီးမှ တာဝန်ရှိသူ ၇၂ ဦး၏ သဘောထား တင်ပြချက်များ၊ ညီလာခံသို့
တင်သွင်းသော အစီရင်ခံစာများ၊ အမျိုးသားအဆင့် နိုင်ငံရေးဆွေးနွေးပွဲများ ကျင်းပသွား
နိုင်ရေးနှင့် ပြည်ထောင်စု ငြိမ်းချမ်းရေးညီလာခံ - (၂၁)ရာစုပင်လုံ ဒုတိယအစည်းအဝေး ကျင်းပနိုင်ရေး
တို့နှင့်စပ်လျဉ်း၍ မှတ်တမ်းတင် ဆောင်ရွက်နိုင်ရန် ရဲဘော်မျိုးဝင်း၊ ဦးနိုင်ငံလင်းနှင့်
ဦးခင်ဇော်ဦး တို့က ဖတ်ကြားတင်ပြကြရာ သဘာပတိ ဒုတိယဗိုလ်ချုပ်ကြီး ရာပြည့်က မှတ်တမ်းတင်ကြောင်း
ကြေညာသည်။
ထို့နောက် နိုင်ငံတော်၏ အတိုင်ပင်ခံပုဂ္ဂိုလ် ပြည်ထောင်စုဝန်ကြီး ဒေါ်အောင်ဆန်း စုကြည်
က ကျေးဇူးတင်စကားပြောကြားသည်။
(နိုင်ငံတော်၏
အတိုင်ပင်ခံပုဂ္ဂိုလ် ပြည်ထောင်စုဝန်ကြီး ဒေါ်အောင်ဆန်းစုကြည်၏ ကျေးဇူးတင်စကားကို သီးခြားဖော်ပြထားပါသည်။)
ယင်းနောက် သဘာပတိ ဒုတိယဗိုလ်ချုပ်ကြီး
ရာပြည့် က နိဂုံးချုပ်စကား ပြောကြားရာတွင် အဖွဲ့အစည်းအသီးသီးမှ မိမိတို့၏ အမြင်များကို
တင်ပြသွားကြသည့် အပေါ်တွင် မတူကွဲပြားမှုများ ရှိသကဲ့သို့ တူညီမှုများလည်းရှိပါကြောင်း၊
အဖြေရှာနိုင်သည့် တောင်းဆိုချက်များရှိသကဲ့သို့ အဖြေနှင့် ဝေးနေသေးသည့် လိုအင်ဆန္ဒများလည်း
ရှိကြပါကြောင်း၊ သို့သော် အရေးကြီးဆုံးမှာ
မတူသည့်အချက်များတွင် သဘောတူညီနိုင် သည့် အချက်များကို အဖြေထွက်ရှိအောင် မည်သို့ညှိနှိုင်းမည်ဆိုသည့်
အချက်ပင်ဖြစ်ပါ ကြောင်း၊ ပဋိပက္ခဖြေရှင်းရေး၏ အဓိကသော့ချက်မှာ မိမိ၏တောင်းဆိုချက်များထက်
အကျိုးစီးပွားများအပေါ်တွင် ညှိနှိုင်းကြရမည်ဟု
ပညာရှင်များ ရေးသားထားသည့်ကို လေ့လာဖူးပါကြောင်း၊ မိမိတို့၏ တောင်းဆိုချက်များကို ဘာကြောင့်လိုချင်ရသည်ဟု ပြန်လည်မေးမြန်းကြည့်ပါက အကျိုးစီးပွားကဘာလဲဆိုသည်ကို မိမိတို့ ပိုမို နားလည်
လာနိုင်မည်ဖြစ်ပါကြောင်း။
ယခုညီလာခံကြီးအပြီးတွင် ယခုထက်ပိုမိုနက်နဲ့ရှုပ်ထွေးသည့်
ဆွေးနွေးမှုများ၊ ညှိနှိုင်းမှုများ ဆက်လက်လုပ်ဆောင်သွားရဦးမည်ဖြစ်ပါကြောင်း၊ နိုင်ငံရေး
ဆွေးနွေးမှု ဖြစ်စဉ်ကို စနစ်တကျစီမံအကောင်အထည်ဖော်နိုင်ရေးအတွက် နိုင်ငံရေး ဆွေးနွေးမှု
မူဘောင်ကို အပြီးသတ်ရေးဆွဲရမည်ဖြစ်ပါကြောင်း၊
မူဘောင်ဆွေးနွေးသည့် အဆင့်တွင် ညှိနှိုင်းဆွေးနွေးစရာများ များစွာရှိအုံးမည်ဖြစ်ပါကြောင်း၊ ဆွေးနွေးဖက်များအကြား နိုင်ငံရေး ဆွေးနွေးမှုမူဘောင်ကို သဘောတူညီမှုရမှ
သက်ဆိုင်ရာလုပ်ငန်း ကော်မတီများ ဖွဲ့စည်းပြီး
အဆိုပါလုပ်ငန်းကော်မတီများက သက်ဆိုင်ရာ ကဏ္ဍအလိုက် လေ့လာ အဖြေရှာမှုများ ဆောင်ရွက်ရမည်ဖြစ်ပါကြောင်း။
အမျိုးသားအဆင့် ဆွေးနွေးပွဲများ ကျင်းပသည့်အခါ
ငြိမ်းချမ်းရေးဆိုသည့် အခြေခံမူကို လက်ထဲတွင် စွဲစွဲမြဲမြဲ ဆုပ်ကိုင်ထားရန် လိုအပ်ပါကြောင်း၊
တစ်ခြားနိုင်ငံများ၏ အတွေ့အကြုံ၊ ဖြစ်စဉ်များကို ကြည့်မည်ဆိုပါက အဆိုပါက ဆွေးနွေးပွဲများ လုပ်သည့်အချိန်တွင် အတိတ်မှ အမုန်းတရားများ ပြန်လည်နှိုးဆွပြီး လူမျိုးရေး၊
ဘာသာရေး ပွတ်တိုက်မှုများ ပိုမိုအရှိန်မြင့်လာတတ်ပါကြောင်း၊ မိမိတို့၏ တောင်းဆို ချက်များ
လက်ဦးမှုရရှိရေးအတွက် အောက်ခြေလူထုကို လှုံ့ဆော်စည်းရုံး မှုများ ပြုလုပ်ပြီး ပဋိပက္ခဖြေရှင်းရေးထက် တစ်ဘက်နှင့်တစ်ဘက်
ပိုမိုအစွန်း ရောက်သည့် အမုန်းတရားများ ပိုမိုဖြစ်လာနိုင်သည်ကို သတိပြုရန်လိုအပ်ပါကြောင်း၊ ယခုညီလာခံမှ မိမိတို့တိုင်းပြည်၏ အနာဂတ်ကို မည်သို့
ပုံဖော်မည်ဆိုသည့် သဘောတူညီချက်ချမှတ်ရန် အရေးကြီးသည့် စမှတ်တစ်ခုဖြစ်ပါကြောင်း၊ ယင်းစမှတ်၏နောက်တွင် စိန်ခေါ်မှုများ များစွရှိပါကြောင်း၊
ယင်းစိန်ခေါ်မှုများကို ပဋိပက္ခဖြေရှင်းရေးအမြင်နှင့် ချဉ်းကပ်မည်ဆိုပါက မိမိတို့၏ သမိုင်းအမွေကို
နောင်လာနောက်သားများ တသသနှင့် အသိအမှတ်ပြုမည်ဖြစ်ပါကြောင်း ပြောကြားသည်။
ထို့နောက် ပြည်ထောင်စု ငြိမ်းချမ်းရေး
ညီလာခံ - ၂၁ ရာစုပင်လုံ ပထမအစည်း အဝေး အောင်မြင်စွာကျင်းပပြီးစီးကြောင်း အကျိုးဆောင်အဖွဲ့က
ကြေညာသည်။
No comments:
Post a Comment