နေပြည်တော် မေ ၂၇
၂၁ ရာစု ပင်လုံညီလာခံကို တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘော တူစာချုပ်
(NCA) အပေါ် အခြေခံ၍ လုပ်ဆောင်သွားမည်ဖြစ်ကြောင်း၊ ထို့ကြောင့် ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ
(UPDJC) ၏ အခန်းကဏ္ဍ သည် ဆက်ပြီးရှင်သန်သွားမည်ဖြစ်ကြောင်း ပြည်ထောင်စုငြိမ်းချမ်းရေး
ဆွေးနွေးမှု ပူးတွဲ ကော်မတီ ဥက္ကဋ္ဌ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်
က ပြောကြားလိုက်သည်။
ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီအစည်းအဝေးကို ယနေ့ မွန်းလွဲ
၂ နာရီတွင် နေပြည်တော်ရှိ Horizon Lake View Resort ၌ ကျင်းပရာ UPDJC ၏ ဥက္ကဋ္ဌ ဒေါ်အောင်ဆန်းစုကြည်က
ယခုကဲ့သို့ ပြောကြားခဲ့ခြင်း ဖြစ်သည်။
“ UPDJC ဖွဲ့စည်းပုံကိုတော့ ပြောင်းလဲရပါလိမ့်မယ်။ ဒါတွေကိုလည်း ဆက်ပြီး တော့ ဒီနေ့အစည်းအဝေးနဲ့ မနက်ဖြန်အစည်းအဝေးတွေမှာ
ဆွေးနွေး သွားမှာဖြစ်ပါတယ်။ အပြောင်းအလဲဆိုတာကလည်း နိုင်ငံရေး အပြောင်းအလဲတွေနဲ့ ကိုက်ညီအောင်
နောက်ပြီး နောင်အနာဂတ်မှာ ကျွန်မတို့ လိုအပ်ချက်တွေနဲ့ လည်း ကိုက်ညီအောင် ပြောင်းလဲသင့်တဲ့နေရာမှာ
ပြောင်းလဲသွားမှာဖြစ်ပါတယ်။ ဒီလိုပြောင်းလဲခြင်းအားဖြင့် ကျွန်မတို့ ရဲ့ ငြိမ်းချမ်းရေးဖြစ်စဉ်ကို
ပိုပြီးအထောက်အကူပြုနိုင်မယ်လို့ ယုံကြည်လို့ ပြောင်းလဲရတာဖြစ်ပါတယ်” ဟု ၎င်းက ပြောသည်။
“အမျိုးသားဒီမိုကရေစီအဖွဲ့ချုပ်ကို ကိုယ်စားပြုတက်တာ မဟုတ်ပေမယ့်လည်း တောက်လျှောက်ငြိမ်းချမ်းရေး
ဖြစ်စဉ်နဲ့ ဆက်သွယ်တဲ့အခါမှာ၊ ငြိမ်းချမ်းရေးဖြစ်စဉ်ထဲမှာ ပါတဲ့ပုဂ္ဂိုလ်တွေနဲ့ ညှိနှိုင်းဆွေးနွေးတဲ့အခါမှာ
အမျိုးသား ဒီမိုကရေစီအဖွဲ့ချုပ်ဥက္ကဋ္ဌ အနေနဲ့ ညှိနှိုင်းဆွေးနွေးခဲ့တာ အများကြီးရှိပါတယ်။
အဲဒီအချိန်က ရပ်တည် ခဲ့တဲ့ မူဝါဒတွေအတိုင်း ဆက်လက်ပြီးရပ်တည်သွားမှာပါ။ ဘာဖြစ်လို့ပြောရ
သလဲဆိုတော့ အခု ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီကို ဖွဲ့စည်းတဲ့ကိစ္စတွေ၊
တစ်နိုင်ငံလုံး ပစ်ခတ်တိုက်ခိုက် မှုရပ်စဲရေးသဘောတူစာချုပ်ကနေ ခွင့်ပြုထားတဲ့ ပြုပြင်
ပြောင်းလဲနိုင်တဲ့နေရာတွေမှာ ပြုပြင်ပြောင်းလဲမယ့် ကိစ္စတွေဟာ တစိုက်မတ်မတ် အမျိုးသားဒီမိုကရေစီ
အဖွဲ့ချုပ်က တင်ပြတဲ့မူတွေအရ လုပ်သွားမှာပါ။ အခုမှ ပြောင်း လဲပြီး လုပ်သွားမှာမ ဟုတ်ပါဘူး”
ဟု နိုင်ငံတော်၏ အတိုင်ပင်ခံပုဂ္ဂိုလ်က ဆက်လက် ပြောကြားသည်။
“ယခုအစည်းအဝေးရဲ့ အဓိကရည်ရွယ်ချက်က ငြိမ်းချမ်းရေးဖြစ်စဉ် ဆက်လက် ပြီး ချောချောမွေ့မွေ့ဖြစ်စေ
ဖို့ဖြစ်ပါတယ်။ MPC ကို ပြန်လည်ဖွဲ့စည်းရေးလည်းဖြစ် ပါတယ်။ ပြည်ထောင်စုငြိမ်းချမ်းရေး
ညီလာခံအတွက် ပြင်ဆင်ရေးဖြစ်ပါတယ်။ တချို့က ပြည်ထောင်စုငြိမ်းချမ်းရေး ညီလာခံနဲ့ ၂၁
ရာစု ပင်လုံညီလာခံကို တစ်ခုစီဖြစ်မှာလားလို့ မေးကြပါတယ်။ တစ်ခုတည်းပါ။ နာမည်တစ်ခုတည်းမဟုတ်ဘဲ
နာမည်နှစ်ခုသုံး တယ်ဆိုတာက ပြည်ထောင်စုငြိမ်းချမ်းရေး ညီလာခံဆိုတာကလည်း အင်မတန်မှ တင့်
တယ်ပြီး အများက နှစ်သက်တဲ့ နာမည်တစ်ခု ဖြစ်သလို ၂၁ ရာစု ပင်လုံဆိုတာကလည်း အများနှစ်သက်တဲ့ဟာ
ဖြစ်ပါတယ်။ နှစ်ခုစလုံးက အတူတူပါပဲ” ဟု ယနေ့အစည်းအဝေး တွင် ဒေါ်အောင်ဆန်းစုကြည်က ပြောကြားသည်။
“အမျိုးသားဒီမိုကရေစီအဖွဲ့ချုပ်က အရင်နှစ် နိုဝင်ဘာလကရွေးကောက်ပွဲအောင် ပြီးတော့မှ
တစ်မျိုးစိတ်ပြောင်း ပြီးမှ လုပ်တာတွေဘာမှမပါပါဘူး။ တစိုက်မတ်မတ်မူအရ ငြိမ်းချမ်းရေးအတွက်
လိုအပ်တယ်ထင်ပြီး တင်ပြခဲ့တဲ့ အချက်အလက်တွေနဲ့ ကိုက်ညီစွာ ပြုပြင်ပြောင်းလဲဖို့သင့်တယ်လို့
ထင်တဲ့နေရာမှာတွေ ပြုပြင်ပြောင်းလဲသွား မှာဖြစ်ပါတယ်။ ဒီမှာတက်လာတဲ့ UPDJC အဖွဲ့ဝင်တွေထဲမှာဆိုရင်
တိုင်းရင်းသားတွေ ဘက်ကလည်း ပါပါတယ်။ နိုင်ငံရေးအဖွဲ့အစည်းတွေဘက်ကလည်း ပါပါတယ်။ အရပ်
ဖက်အဖွဲ့ အစည်းတွေဘက်က လည်းပါပါတယ်။ အစိုးရဘက်ကလည်း ပါပါတယ်။ ဒီလို အဖက်ဖက်က ပါလာတဲ့နေရာမှာ
အစိုးရဘက် ဆိုရင်တော့ ပုဂ္ဂိုလ်တွေကပြောင်းသွားပါ ပြီ။ ထမ်းဆောင်တဲ့တာဝန်အရ ဆက်ပြီးပါတဲ့ပုဂ္ဂိုလ်တွေရှိပါတယ်။
အခုဝန်ကြီးတွေက အရင်က၀န်ကြီးတွေ မဟုတ်ပေမယ့် အရင်ကပါဝင် လာခဲ့တဲ့ ၀န်ကြီးဌာနတွေကို
ကိုယ် စားပြုပါတယ်”ဟုလည်း ထည့်သွင်းပြောကြားခဲ့သည်။
“အမျိုးသားဒီမိုကရေစီအဖွဲ့ချုပ်က ပါဝင်တဲ့ ၃ ယောက်ကတော့ အရင်ကတည်း က ပါဝင်ခဲ့တာပါ။
ပြည်ထောင် စုကြံ့ခိုင်ရေးနှင့် ဖွံ့ဖြိုးရေးအဖွဲ့ဝင်တွေကလည်း အရင်က တည်းက ပါဝင်ခဲ့တာဖြစ်ပါတယ်။ အခြားနိုင်ငံရေး ပါတီများက ပါဝင်ခဲ့တဲ့အဖွဲ့အစည်း
တွေကလည်း အခုဒီအချိန် ဒီအစည်းဝေးမှာတော့ ပါဝင်နေပါတယ်။ ဒါတွေက အပြောင်း အလဲရှိမယ်ဆိုတာ
ကျွန်မပြောလိုပါတယ်။ အပြောင်းအလဲရှိမယ်ဆိုတာ ရွေးကောက်ပွဲ ရလဒ်အရတင်မဟုတ်ပါဘူး။ ကျွန်မတို့အနေနဲ့
မူအရလည်း ပြောင်းလဲသင့်တယ်လို့ ထင်တဲ့နေရာ တွေမှာ ပြောင်းလဲမှာဖြစ်ပါတယ်။ နိုင်ငံရေးအဖွဲ့အစည်းများနဲ့
ပတ်သက် လို့ရှိရင် မြန်မာနိုင်ငံမှာ လက်ရှိနိုင်ငံရေး အဖွဲ့အစည်း ၉၀ ကျော်ရှိပါတယ်။
၉၀ ကျော် တဲ့ အဖွဲ့အစည်းများအားလုံးကို ငြိမ်းချမ်းရေး ညီလာခံထဲမှာ ကိုယ်စားပြုရေး၊
မပြုရေး ဆိုတာ တစ်ယောက်နဲ့ တစ်ယောက် သဘောထားတူညီမှုတွေ မရှိပါဘူး။ ကျွန်မတို့ အမျိုးသားဒီမိုကရေစီအဖွဲ့ချုပ်အနေနဲ့
အရင်တုန်းကလည်း ပြောခဲ့ပါတယ်။
“ အခုလည်း အဲဒီမူအတိုင်း ဆက်လက်ရပ်တည်သွားမှာပါ။ နိုင်ငံရေးအဖွဲ့အစည်း များရဲ့
ပါဝင်မှုဟာ နိုင်ငံရေးအဖွဲ့အစည်းများက ပြည်သူလူထုကို လွှတ်တော်အသီးသီး မှာ ကိုယ်စားပြုမှုအပေါ်မှာ
အခြေခံပြီးတော့ ဆောင်ရွက်ရမယ်လို့ ယုံကြည်ပါတယ်။ ပြောချင်တာက ၉၀ ကျော်သော နိုင်ငံရေးပါတီအားလုံးမဟုတ်ဘဲနဲ့
လွှတ်တော်တစ်ခု သို့မဟုတ် တစ်ခုမှာ အနည်းဆုံး ကိုယ်စားလှယ်တစ်ဦး ပါဝင်တဲ့ နိုင်ငံရေးပါတီများ
ကိုသာ ငြိမ်းချမ်းရေးညီလာခံထဲမှာ ကိုယ်စားလှယ်အဖြစ်နဲ့ ထည့်ဖို့ဆိုတာကို ကိုင်စွဲထား
ပါတယ်။ ဒီလိုပြောခြင်းအားဖြင့် ကျန်တဲ့နိုင်ငံရေးပါတီတွေဟာ ငြိမ်းချမ်းရေးညီလာခံနဲ့
ဆက်စပ်မှုမရှိတော့ဘူးလားဆိုပြီးတော့ မေးခွန်းထုတ်နိုင် ပါတယ်။ ဆက်စပ်မှုရှိပါတယ်။ ဘာလို့လည်းဆိုတော့
လူမှုအဖွဲ့အစည်း CSO တွေပေါ့။ CSO ရဲ့ကဏ္ဍနဲ့ ပတ်သက်လို့ လည်း တချို့ကမေးပါတယ်။ CSO ကဏ္ဍဆိုတာ
ငြိမ်းချမ်းရေးဖြစ်စဉ်ထဲမှာ သမိုင်းအရ ကျွန်မတို့ ကမ္ဘာကြီးရဲ့ ခေတ်သစ်သမိုင်းရ အမျိုးမျိုးပုံစံတွေနဲ့
ပါဝင်ခဲ့ကြပါတယ်။ တစ်ချို့နိုင်ငံတွေမှာ ငြိမ်းချမ်းရေး ဆွေးနွေးပွဲထဲမှာ ထည့်ပြီးတော့
လုပ်ဆောင်တာတွေ လည်း ရှိတယ်။ တစ်ချို့ကြတော့ မျဉ်းပြိုင် အနေနဲ့ ဖိုရမ်တစ်ခုအနေနဲ့
CSO တွေက ပါဝင်ပြီးတော့ ဆောင်ရွက်တာတွေလည်းရှိပါတယ်။ ကျွန်မတို့အနေနဲ့ ဒုတိယနည်းလမ်းကို
သွားမယ်ဆိုပြီးတော့ စဉ်းစားထားပြီးဖြစ်ပါတယ်”ဟု ဒေါ်အောင်ဆန်းစုကြည်က ပြောကြား သွားသည်။
ပြည်ထောင်စုငြိမ်းချမ်းရေး ဆွေးနွေးမှု ပူးတွဲ ကော်မတီ ဥက္ကဋ္ဌ က “ကျွန်မတို့ နိုင်ငံမှာ
လူမှုအဖွဲ့အစည်း (CSO) တွေလည်း များလာပါပြီ။ CSO တွေကိုပါ ငြိမ်းချမ်း ရေး ညီလာခံထဲမှာ
ထည့်လိုက်မယ်ဆိုရင် အင်မတန်မှ ဖောင်းပွသွားနိုင်ပါတယ်။ ညီလာခံရဲ့အဓိကလိုအပ်ချက်ကတော့
ထိထိမိမိနဲ့ နိုင်ငံရေးဖြစ် စဉ်တွေကို အကောင် အထည် ဖော်ပေးနိုင်ဖို့ဖြစ်ပါတယ်။ ဒါကြောင့်
CSO ဖိုရမ်တစ်ခု ထူထောင်မယ်လို့ မူအရ စဉ်းစားထားပြီး လုပ်သွားမှာဖြစ်ပါတယ်။ ဒီနေ့ အဓိကကတော့
UPDJC ကို ပြန်လည် ဖွဲ့စည်းရေးပဲဖြစ်ပါတယ်။ UPDJC ပြန်လည်ဖွဲ့စည်းတဲ့ကိစ္စတွေမှာ အခုလက်ရှိ
UPDJC ထဲမှာ ပါနေတဲ့ အဖွဲ့ဝင်များအားလုံးရဲ့ အထင်အမြင် တွေကို သိချင်ပါတယ်။ အသစ် ပါဝင်လာတဲ့
အဖွဲ့ဝင်တွေနဲ့ အမြင်တွေကိုလည်း တင်ပြမှာ ဖြစ်ပါတယ်။
ဒီလိုအမြင်ချင်းဖလှယ်ပြီးတော့ နောက်ဆုံး ဆုံးဖြတ်ချက်ကိုချမှာပါ။ သိပ်ပြီးတော့
အချိန်ဆွဲလို့လည်း မရပါဘူး။ UPDJC ပြန်လည်ဖွဲ့စည်းရေးကို အမြန်ဆုံးပြီးအောင် လုပ်ရမယ်ဆိုတာဟာ
ဒါကိုဖွဲ့စည်းပြီးမှ ငြိမ်းချမ်းရေး ညီလာခံ အထူးပြင်ဆင်မှုတွေကို ဆက်လက်ပြီးတော့ လုပ်ကိုင်သွားနိုင်မှာဖြစ်ပါတယ်
” ဟု ပြောကြားခဲ့သည်။
UPDJC ဒုတိယဥက္ကဋ္ဌများဖြစ်သည့် ပြည်ထောင်စုဝန်ကြီး ဦးကျော်တင့်ဆွေ၊ ပဒိုစောကွယ်ထူးဝင်းနှင့်
ဦးသုဝေ တို့က နှုတ်ခွန်းဆက်စကားပြောကြားသည်။
အစည်းအဝေးတွင် နိုင်ငံတော်၏ အတုိုင်ပင်ခံပုဂ္ဂိုလ်က ပြည်ထောင်စုငြိမ်းချမ်း ရေးဆွေးနွေးမှု
ပူးတွဲကော်မတီ ပြန်လည် ဖွဲ့စည်းမှုနှင့် ရှေ့လုပ်ငန်းစဉ်များအား ရှင်းလင်း ပြောကြားရာ
တက်ရောက်လာကြသူများက ဆွေးနွေး အကြံပြုတင်ပြခဲ့ကြသည်။
ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ ပြင်ဆင်ဖွဲ့စည်းမှု၊ ရှေ့လုပ်
ငန်းစဉ်များ ပြန်လည် သတ်မှတ်မှုတို့ကို မေ ၂၈ ရက် အစည်းအဝေးတွင် ဆွေးနွေးသွား မည်ဖြစ်ကြောင်းသိရသည်။
No comments:
Post a Comment