နေပြည်တော်
ဒီဇင်ဘာ ၂၂
ပထမအကြိမ်ပြည်သူ့လွှတ်တော်
(၁၃)ကြိမ်မြောက်ပုံမှန်အစည်းအဝေး ၂၂ ရက်မြောက် နေ့ကို ယနေ့ နံနက် (၁၀)နာရီတွင်
ကျင်းပပြီး ဥပဒေကြမ်း ၃ခု နှင့်စပ်လျဉ်းသည့် အစီရင်ခံစာ ၃ ခုကို ဖတ်ကြား ရှင်းလင်း
ကြသည်။
အစည်းအဝေးတွင်
ပြည်သူ့လွှတ်တော် ဒုတိယဥက္ကဋ္ဌက အမျိုးသားလွှတ်တော်မှ ပြင်ဆင်ချက်ဖြင့် အတည်ပြုပြီး ပေးပို့သော
၁၉၅၁ ခုနှစ်၊ အလုပ်ရုံများ အက်ဥပဒေကို ပြင်ဆင် သည့်ဥပဒေကြမ်း၊ အခကြေးငွေ ပေးရေး ဥပဒေကြမ်း၊
၂၀၁၅ ခုနှစ်၊ ဆိုင်များနှင့်အလုပ်ဌာနများ ဥပဒေကြမ်းတို့ကို လက်ခံရရှိကြောင်း
လွှတ်တော်သို့ အသိပေး တင်ပြပြီး ဥပဒေကြမ်းကော်မတီ က
ယင်းဥပဒေကြမ်းများနှင့်စပ်လျဉ်းသည့် အစီရင်ခံစာ ၃ ခုကို လွှတ်တော်သို့ ဖတ်ကြား
ရှင်းလင်းတင်ပြကြသည်။
၂၀၁၅
ခုနှစ် ဆိုင်များနှင့် အလုပ်ဌာနများဥပဒေကြမ်းနှင့်စပ်လျဉ်း၍ ဥပဒေကြမ်း ကော်မတီဝင်
ဦးသိန်းထွန်းဦး က အစီရင်ခံစာဖတ်ကြားတင်ပြရာတွင် ယင်းဥပဒေကြမ်း၌ အခန်းပေါင်း ၉
ခန်းနှင့် အပိုဒ်ပေါင်း ၄၁ ပိုဒ် ပါရှိကြောင်း၊ အလုပ်သမား၊ အလုပ်အကိုင်နှင့်
လူမှုဖူလုံရေးဝန်ကြီးဌာနက မြန်မာနိုင်ငံတစ်ဝန်းလုံးရှိ ဆိုင်များနှင့် အလုပ်ဌာနများရှိ
အလုပ် သမားများ၏ အလုပ်လုပ်ချိန် သတ်မှတ်ရေး၊ လုပ်ခမှန်ကန်စွာရရှိရေး၊ လုပ်ငန်းခွင်
ဘေး အန္တရာယ်ကင်းရှင်းရေးနှင့် ကျန်းမာရေး၊ ဥပဒေပါရပိုင်ခွင့်များကို
ကာကွယ်စောင့်ရှောက်မှုပေး နိုင်ရေး တို့အတွက် ရည်ရွယ်၍
ရေးဆွဲတင်ပြလာခြင်းဖြစ်ကြောင်း ထည့်သွင်းတင်ပြခဲ့သည်။
No comments:
Post a Comment