Tuesday, July 28, 2015

ဒုတိယသမ္မတ ဒေါက်တာစိုင်းမောက်ခမ်း အမျိုးသားအဆင့် ကျန်းမာရေးညီလာခံသို့ တက်ရောက်


နေပြည်တော် ဇူလိုင် ၂၈
အမျိုးသားအဆင့် ကျန်းမာရေးညီလာခံကို ယနေ့နံနက် (၉) နာရီတွင် နေပြည်တော်ရှိ မြန်မာ အပြည်ပြည်ဆိုင်ရာ ကွန်ဗင်းရှင်းဗဟိုဌာန (MICC2) ၌ကျင်းပရာ ဒုတိယသမ္မတ ဒေါက်တာ စိုင်းမောက်ခမ်းနှင့် ပြည်ထောင်စုဝန်ကြီးများ ၊ ဒုတိယ ၀န်ကြီးများ ၊ လွှတ်တော်ကိုယ်စားလှယ်များ ၊ သံအမတ်ကြီးများ ၊ ကုလသမဂ္ဂနှင့် နိုင်ငံ တကာ အစိုးရမဟုတ်သော အဖွဲ့အစည်းများမှ ကိုယ်စား လှယ်များ ၊ အလှူရှင်များ ၊ လူမှုရေးအဖွဲ့အစည်းများနှင့် ဖိတ်ကြားထားသူများ တက်ရောက်ကြသည်။

ညီလာခံတွင် ဒုတိယသမ္မတက မြန်မာနိုင်ငံ၏ လက်ရှိအုပ်ချုပ်ရေး ပြုပြင် ပြောင်းလဲမှု ၊ လူမှုရေး ၊စီးပွားရေးပြုပြင်ပြောင်းလဲမှု စသည့် အသွင်ကူးပြောင်းရေး အခြေအနေကိုထင်ဟပ်၍ ''လူထုဗဟိုပြု ဖွံ့ဖြိုးတိုးတက်ဖို့ ကျန်းမာရေးကဏ္ဍတွင် မြှုပ်နှံစို့'' ဟူသော ဆောင်ပုဒ်နှင့်အညီ ယခုဖိုရမ်တွင် ဆွေးနွေး သွားမည်ဖြစ်ပါကြောင်း၊ ရေရှည်ဖွံ့ဖြိုးတိုးတက်မှုရရှိရန် ပြည်သူလူထု ကျန်းမာကြံ့ခိုင်မှုကို ဗဟိုပြုရန် လိုအပ်သည့်အတွက် ကျန်းမာရေးကဏ္ဍတွင်လည်း အဓိကရင်းနှီးမြှုပ်နှံရန် လိုအပ်ပါ ကြောင်း။
ယခုညီလာခံကြီးမှတစ်ဆင့် ၂၀၃၀ ခုနှစ် မြန်မာ့ကျန်းမာရေး ရည်မှန်းချက်နှင့် အညီ လူတိုင်း အရည် အသွေးပြည့် စောင့်ရှောက်မှုလုပ်ငန်းများ လက်လှမ်းမီရရှိနိုင်မည့် နည်းဗျူဟာများနှင့် လိုအပ်သော ရင်းနှီးမြှုပ်နှံမှု များကိုရရှိနိုင်မည်ဟု မျှော်လင့်ပါကြောင်း။
 ယခုကျင်းပသည့် ညီလာခံကို ကျန်းမာရေးကဏ္ဍ တိုးတက်ပြောင်းလဲမှုများနှင့် လူတိုင်းလက်လှမ်းမီသော ကျန်းမာရေး လွှမ်းခြုံစောင့်ရှောက်မှု ရရှိရေးနှင့် အနာဂတ် တွင် ဆောင်ရွက်မည့် အစီအမံများအား အသိပေး တင်ပြနိုင်ရန်၊   ကျန်းမာရေးကဏ္ဍ အောင်မြင်မှုများနှင့် ရင်းနှီးမြှုပ်နှံမှုလိုမှု  စိန်ခေါ်မှုများနှင့် စပ်လျဉ်းသော အချက်အလက် များ မီဒီယာများအား အသိပေးဖြန့်ဝေနိုင်ရန်။
 ပြည်တွင်းနှင့် နိုင်ငံတကာအဖွဲ့ အစည်းများကိုလည်း ကျန်းမာရေးကဏ္ဍတွင် ရင်းနှီးမြှုပ်နှံမှု၏ အရေးပါပုံ ကို မီးမောင်း ထိုးပြရန် စသည့် ရည်ရွယ်ချက် (၄)ရပ်ဖြင့် ကျင်းပမည်ဖြစ်ပါကြောင်း။
 ကမ္ဘာ့ကျန်းမာ ရေးအဖွဲ့၏ ဆန်းစစ်မှုအရ မြန်မာနိုင်ငံသည် ကုလသမဂ္ဂ ထောင်စုနှစ်ဖွံ့ဖြိုး တိုးတက်ရေး ရည်မှန်း ချက်များပြည့်မီရေး လမ်းကြောင်းမှန်ပေါ်တွင် ရောက်ရှိနေသော်လည်း စိန်ခေါ်မှုများစွာ ကျန်ရှိနေပါကြောင်း။
 မြန်မာနိုင်ငံအနေဖြင့် ယခုနှစ် စက်တင်ဘာလတွင် ကျင်းပပြုလုပ်မည့် ကမ္ဘာ့ကုလ သမဂ္ဂအထွေထွေ ညီလာခံသို့ အဆိုပြုတင်ပြသွားမည့် ရေရှည်တည်တံ့ နိုင်သော ဖွံ့ဖြိုးတိုးတက်ရေး ရည်မှန်းချက်များကို ထောက်ခံကြို ဆိုပါကြောင်း   မကူးစက်နိုင်သော ရောဂါများ ဦးစားပေးခြင်းမခံရသော အပူပိုင်းဒေသ ဆိုင်ရာ ရောဂါ များနှင့် လူတိုင်းလက်လှမ်းမီသော ကျန်းမာရေးစောင့်ရှောက်မှုရရှိရေး စသည့် အကြောင်း အရာများ ပါဝင်သည့်အတွက် ဖြစ်ပါကြောင်း။
နိုင်ငံတော်အစိုးရ အနေဖြင့် လူတိုင်းလက်လှမ်းမီသော ကျန်းမာရေး စောင့်ရှောက်မှု ရရှိရေးအတွက် ပထမအဆင့် အနေဖြင့် ကမ္ဘာ့ဘဏ်၏ နည်းပညာနှင့် ငွေကြေးအကူအညီဖြင့် ဆောင်ရွက် လျက်ရှိ ပါကြောင်း။
ကြုံတွေ့နေရသည့် ကျန်းမာရေးဆိုင်ရာ အခက်အခဲအနေဖြင့် ပထမအချက်မှာ ပြည်သူလူထုအနေဖြင့် ရောဂါကာကွယ်ရေးနှင့် ကျန်းမာရေး အဆင့်မြှင့်တင် ဆောင်ရွက်ရေးလုပ်ငန်းများကို နားလည် သဘောပေါက်ရန် လိုအပ်ခြင်း ဖြစ်ကြောင်း၊ သတင်းမီဒီယာများသည်လည်း ပြည်သူ့ကျန်းမာရေး အဆင့်မြှင့်တင်ရေး လုပ်ငန်းများတွင် အရေးကြီးသည့်အခန်းကဏ္ဍက ပါဝင်နေပါကြောင်း။
 ဒုတိယအချက်မှာ ကူးစက်ရောဂါများကာကွယ်နှိမ်နင်းရေးသည် ကြီးမားသည့် စိန်ခေါ်မှုတစ်ရပ် ဖြစ်နေကြောင်း၊ တတိယအချက်မှာ မကူးစက်တတ်သောရောဂါ ဖြစ်ပွားမှုများသည် ကြီးမားသော ခြိမ်းခြောက်မှု တစ်ရပ် ဖြစ်လာကြောင်း၊ စတုတ္ထ အချက်မှာ ကျန်းမာရေးကဏ္ဍအတွက် ဘဏ္ဍာငွေသုံးစွဲမှု တိုးမြှင့်ခွင့်ပြုလျက်ရှိသကဲ့သို့ ဆက်လက်ပြီး တိုးမြှင့်အသုံးပြုနိုင်ရေးဖြစ်ကြောင်း။
 ၂၀၁၅-၂၀၁၆ ဘဏ္ဍာနှစ်တွင် ကျန်းမာရေးကဏ္ဍ အတွက် ဘဏ္ဍာငွေ(၇၅၃)ဘီလီယံကျပ် (အမေရိကန် ဒေါ်လာ ၆၀၂သန်း ) ခွဲဝေပေးခဲ့ရာ ၂၀၁၁-၂၀၁၂ ဘဏ္ဍာနှစ် ခွဲဝေမှုထက် (၈ ဒသမ ၇) ဆခန့် ပိုမိုတိုးမြှင့် ပေးခဲ့ခြင်း ဖြစ်ပါကြောင်း၊ထို့ကြောင့် အဓိကလိုအပ်သည့် ဆေးနှင့် ဆေးပစ္စည်းများကို ၂၀၁၁ ခုနှစ်က ထက် ၃၅ ဆ တိုးမြှင့်ဝယ်ယူနိုင်ခဲ့ပြီး တန်ဖိုးအားဖြင့် အမေရိကန်ဒေါ်လာ ၁၁၂ သန်းခန့်ဖြစ်ကြောင်း၊ ပြည်သူ့ ကျန်းမာရေး စောင့်ရှောက်မှု လုပ်ငန်းများတွင် ရန်ပုံငွေတိုးမြှင့်ပေးခဲ့သည့်အတွက် ရလဒ် အနေဖြင့် လူနာများမှ စိုက်ထုတ်ကုန်ကျရငွေ သည် ၂၀၁၁ ခုနှစ်တွင် ၈၀ ရာခုိုင်နှုန်းရှိခဲ့ရာမှ ၂၀၁၄ ခုနှစ် တွင် ၆၀ ရာခိုင်နှုန်းအထိ လျှော့ချနိုင်ခဲ့ကြောင်း။
ဆက်လက်၍ ကျန်းမာရေးစောင့်ရှောက်မှုပေးရန် အခြေခံအဆောက်အဦများ၊ လူ့စွမ်းအား အရင်း အမြစ်များ ဖွံ့ဖြိုးရေးကို  တိုးမြှင့်ဆောင်ရွက်ခဲ့ပါကြောင်း၊   ၂၀၁၁ ခုနှစ်မှာ ၂၀၁၅ ခုနှစ် ဇွန်လအထိ ဆေးရုံများ တိုးချဲ့ ဖွင့်လှစ်မှုတွင် ၁၅ ရာခိုင်နှုန်း တိုးတက်လာပြီး ဆရာဝန်များ၊ သူနာပြုဆရာမများလည်း ၂၅ ရာခိုိ်င် နှုန်းတိုးမြှင့် မွေးထုတ်နိုင်ခဲ့ပါကြောင်း။
 ကျန်းမာရေးကဏ္ဍအတွက် ဆရာဝန်များ ခန့်ထားမှု ၃ ဆခန့်နှင့် သူနာပြုခန့်ထား အရေအတွက် ၃၇ ရာခိုင်နှုန်း မြှင့်တင်နိုင်ခဲ့ပါကြောင်း၊  ဘဏ္ဍာငွေတိုးမြှင့်နိုင်မှုနှင့်အတူ တောင်ကြီးမြို့တွင် ၄၆ ဧက ကျယ်ဝန်း သော မြေဧရိယာပေါ်၌ ဆေးတက္ကသိုလ်အသစ် တစ်ခု  ဖွင့်လှစ်သွားရန်ဖြစ်ပါကြောင်း။
ကျန်းမာရေးဝန်ထမ်းများ၏ အရည်အသွေးနှင့် အရည်အချင်းတိုးတက်လာစေရန် ရန်ကုန်မြို့ရှိ ဆေး တက္ကသိုလ် (၁)တွင် သားဖွားမီးယပ်ပညာ၊ ကလေးဆေးပညာ ၊ ရောဂါဗေဒ၊ မေ့ဆေးပညာ၊ ဓာတ်မှန် ပညာ၊ အရေးပေါ်ဆေးပညာများကို ဘွဲ့လွန် ဒီပလိုမာသင်တန်းများ ဖွင့်လှစ်ပေးခဲ့ပြီး ၀န်ထမ်း ဆရာဝန် များနှင့် ၀န်ထမ်းမဟုတ်သော ပုဂ္ဂလိကဆရာဝန်များကိုလည်း သင်တန်းတက်ရောက်ခွင့်ရရန် စီစဉ်ပေး ခဲ့ပါကြောင်း။
ပြည်တွင်းပြည်ပ နိုင်ငံတကာနှင့်ပူးပေါင်းဆောင်ရွက်မှုများ၏ အဓိကလိုအပ်ချက် သည် လူတိုင်း လက်လှမ်းမီသော ကျန်းမာရေးစောင့်ရှောက် လွှမ်းခြုံမှုရရှိရန်ဖြစ်ပြီး လူထုအခြေပြုအဖွဲ့ အစည်းများနှင့် အစိုးရမဟုတ်သော အဖွဲ့အစည်းများသည်လည်း အရေးပါသော အခန်းကဏ္ဍတွင် ပါဝင်ဆောင်ရွက်ရန် လိုအပ်ပါကြောင်း။
ထို့အပြင် အပြည်ပြည်ဆိုင်ရာ အထောက်အပံ့များလည်း ဆက်လက် လိုအပ်နေ ဦးမည်ဖြစ်ပါကြောင်း၊ လူတိုင်းလက်လှမ်းမီသော ကျန်းမာရေးစောင့်ရှောက်မှု လွှမ်းခြုံရရှိ ရေးအတွက် ထောက်ပံ့နေသော ကမ္ဘာ့ဘဏ်ကိုလည်းကောင်း၊ အိပ်ခ်ျအိုင်ဗွီ/အေအိုင်ဒီ အက်စ်ရောဂါ၊ တီဘီရောဂါနှင့် ငှက်ဖျားရောဂါ ကာကွယ်တိုက်ဖျက်ရေးလုပ်ငန်းများ အတွက် ၂၀၁၃-၂၀၁၆ ခုနှစ်အထိ အမေရိကန်ဒေါ်လာ ၃၅၄ သန်းထောက်ပံ့နေသော ကမ္ဘာ့ရန်ပုံငွေအဖွဲ့ကိုလည်းကောင်း၊ မိခင်/ကလေးကျန်းမာရေးနှင့် ကျန်းမာရေး စနစ် တိုးတက်ရေးအတွက် အမေရိကန်ဒေါ်လာ သန်း ၃၀၀ ထောက်ပံ့ပေးနေသော "ထောင်စုနှစ် သုံးမျိုးရန်ပုံငွေ"အားလည်းကောင်း ကျေးဇူးတင်ပါကြောင်း၊ ယခုကဲ့သို့ ထောက်ပံ့ပေးနေသော အဖွဲ့အစည်းများနှင့် ပူးပေါင်းဆောင်ရွက်လျက်ရှိသော မိတ်ဖက်အဖွဲ့အစည်းများ၏ အကူအညီဖြင့် ရည်မှန်းချက်ဖြစ်သည့် လူထုဗဟိုပြု ဖွံ့ဖြိုး တိုးတက်ရေးလုပ်ငန်းများကို အကောင်အထည်ဖော် ဆောင်ရွက်နိုင်မည်ဟု ယုံကြည် ပါကြောင်း၊ ယခုညီလာခံမှ ရှေ့လုပ်ငန်း စဉ်များအတွက် အထောက် အကူပြုမည့် ရလဒ်ကောင်းများ ထွက်ပေါ်လာစေရန် ဆုတောင်းပါကြောင်းဖြင့် ပြောကြားသည်။
ယင်းနောက် ကမ္ဘာလုံးဆိုင်ရာကျန်းမာရေးအဖွဲ့မှ ပရော်ဖက်ဆာ ဒင်းန် ဂျမီဆွန် က ထွန်းသစ်စမြန်မာ နိုင်ငံ၏ ဖွံ့ဖြိုးမှုအတွက် ကျန်းမာရေး၏ အရေးပါမှု ခေါင်းစဉ်ဖြင့် ဆွေးနွေးသည်။
ထို့နောက် ဒုတိယသမ္မတနှင့်အဖွဲ့ဝင်များသည် ညီလာခံသို့ တက်ရောက်လာ ကြသည့် ကိုယ်စားလှယ် အဖွဲ့ခေါင်းဆောင်များနှင့်အတူ မှတ်တမ်းတင် ဓာတ်ပုံရိုက် သည်။
ယင်းနောက် ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာ သန်းအောင်က မြန်မာနိုင်ငံ အတွက် ကျန်းမာရေးကဏ္ဍ ဦးစားပေးများ ခေါင်းစဉ်ဖြင့် လည်းကောင်း ၊ မြန်မာနိုင်ငံဆိုင်ရာ အမေရိကန် သံအမတ်ကြီး မစ္စတာ ဒဲရက်မစ်ချယ်လ် က မြန်မာနိုင်ငံ၏ လူမှုစီးပွားဖွံ့ဖြိုးမှုနှင့် ကြွယ်ဝချမ်းသာမှု အတွက် ကျန်းမာရေးသည် အခြေခံအုတ်မြစ် ခေါင်းစဉ်ဖြင့်လည်းကောင်း ၊ တူရကီနိုင်ငံ ကျန်းမာရေး ၀န်ကြီးဟောင်း ပရော်ဖက်ဆာ ဒေါက်တာရီကတ်ပ်အက်ဒဂ် က ကျန်းမာရေးအတွက် ဦးဆောင်မှု ခေါင်းစဉ်ဖြင့်လည်းကောင်း အသီးသီး ဆွေးနွေးကြသည်။
ထို့နောက် ကျန်းမာရေးဆိုင်ရာ လှုပ်ရှားဆောင်ရွက်မှုဗီဒီယိုမှတ်တမ်းကို ပြသ သည်။
ယင်းနောက် မျက်နှာစုံညီဆွေးနွေးခြင်းကဏ္ဍတွင် မြန်မာနိုင်ငံ ကျန်းမာရေးကဏ္ဍ ပြုပြင်ပြောင်းလဲရေးနှင့် ဖွံ့ဖြိုးမှု လိုအပ်ချက်များ ခေါင်းစဉ်ဖြင့် ကျန်းမာရေးဝန်ကြီးဌာန ဒုတိယ၀န်ကြီး ဒေါက်တာ ဒေါ်သိန်းသိန်းဌေး ၊ ဘဏ္ဍာရေးဝန်ကြီးဌာန ဒုတိယ၀န်ကြီး ဒေါက်တာမောင်မောင်သိမ်းနှင့် ပြည်ကြီးခင် အဖွဲ့ အစည်းမှ အမှုဆောင် ဒါရိုက်တာ ဒေါ်နွယ်ဇင်ဝင်းတို့က ဆွေးနွေးကြသည်။
ဖွင့်ပွဲအခမ်းအနားအပြီးတွင် ဒုတ်ိယသမ္မတနှင့် အဖွဲ့ဝင်များသည် မြန်မာ အပြည်ပြည်ဆိုင်ရာ ကွန်ဗင်းရှင်း ဗဟိုဌာန မြေညီထပ်တွင် ခင်းကျင်း ပြသထားရှိသည့် ရပ်ရွာပြည်သူများ၏ ပြခန်းများကို ကြည့်ရှု လေ့လာသည်။
ထို့နောက် ညီလာခံကို အစီအစဉ်များအတိုင်း ကျင်းပခဲ့ရာ ဇူလိုင်  ၂၉ ရက်တွင် ဆက်လက် ကျင်းပ မည်ဖြစ်သည်။
ကမ္ဘာ့ကျန်းမာရေးအဖွဲ့မှ ထုတ်ပြန်ထားသော အစီရင်ခံစာများအရ မြန်မာပြည်သူများတွင် သွေးတိုး ရောဂါဖြစ်ပွားခြင်း၊ အ၀လွန်ခြင်းနှင့် ဆေးလိပ်/ ဆေး ရွက်ကြီးသုံးစွဲခြင်းသည် အရှေ့တောင် အာရှဒေသ တွင်းနိုင်ငံများထက် ပိုမိုမြင့်မား လျက်ရှိသည်။

ထို့ပြင် မြန်မာနိုင်ငံတွင် သေဆုံးမှု၏ ၅၉ ရာခိုင်နှုန်းမှာ မကူးစက်တတ်သော ရောဂါများ ကြောင့်ဖြစ် ကြောင်း၊ ကမ္ဘာ့ကျန်းမာရေးအဖွဲ့က ခန့်မှန်းထားပြီး အသက် အရွယ် ၃၀ နှင့် ၇၀ နှစ်အကြား ရှိသူများ၏ လေးပုံ တစ်ပုံမှာ မကူးစက်တတ်သော ရောဂါများကြောင့် သေဆုံးနိုင်ကြောင်းသိရသည်။ 

No comments:

Post a Comment