မေတ္တာ အောက်တိုဘာ ၂၈
ထားဝယ်ခရိုင်၊ မေတ္တာမြို့၊ အခြေခံပညာ အထက်တန်းကျောင်း ၂၀၁၃-၂၀၁၄ ပညာသင်နှစ် မိဘဆရာအသင်း နှစ်ပတ်လည် အစည်းအဝေးနှင့် ပညာရည်ချွန် ဆုပေးပွဲ
အခမ်းအနားကို (၂၈-၁၀-၂၀၁၄)ရက်နေ့၊ နံနက် (၈း၃၀)နာရီတွင်
ပုလဲမေတ္တာခန်းမ၌ ကျင်းပပြုလုပ်သည်။
ရှေးဦးစွာ အလယ်တန်း ကျောင်းသား/ကျောင်းသူများက မြန်မာ့ကျောင်းသီချင်းဖြင့် အခမ်းအနားကို
ဖွင့်လှစ်ပေးပြီး မေတ္တာမြို့အုပ်ချုပ်ရေးမှူး ဦးအောင်ကျော်မင်းက အဖွင့်အမှာစကား ပြောကြားသည်။
ဆက်လက်၍ (KNU)ကရင်အမျိုးသားအစည်းအရုံး၊ ကစယ်ဒိုမြို့နယ်တာဝန်ခံ ပဒိုစောဒီအာလူးက
နှုတ်ခွန်းဆက် စကား ပြောကြားပြီး ကျောင်းအုပ်ဆရာမကြီး
ဒေါ်ချိုချို က ပညာရေး ဆိုင်ရာဆောင်ရွက်ချက်များနှင့် ပတ်သက် ၍လည်းကောင်း၊ ကျောင်းအကျိုးတော်ဆောင်အဖွဲ့ဥက္ကဌစောဘဲရွှေ က ပညာရေးဆိုင်ရာပူးပေါင်းဆောင်ရွက်မှု နှင့်ပတ်သက်၍ လည်းကောင်း
မူလတန်းပြဆရာမ နော်ဒါးထူး က ၂၀၁၃-၂၀၁၄ပညာသင်နှစ်၊ မိဘဆရာအသင်း ရန်ပုံငွေစာရင်း ရှင်းတမ်းနှင့် ပတ်သက်၍
လည်းကောင်း ရှင်းလင်းပြောကြားသည်။
ထို့နောက် ဆုပေးပွဲအခမ်းအနားကို ဆက်လက်ကျင်းပရာ ၂၀၁၃-၂၀၁၄ပညာသင်နှစ်၊ တက္ကသိုလ်ဝင်တန်း
စာမေးပွဲ အောင်မြင်သော ကျောင်းသား/ကျောင်းသူ
(၇)ဦးအားမေတ္တာမြို့ရဲစခန်းရဲအုပ်ညွှန့်ဝေ နှင့် (KNU) ကရင်အမျိုးသား အစည်းအရုံး ပဒိုစောဒီအာလူးတို့က
ဆုများ ပေးအပ်ချီးမြှင့်ပြီး ကျောင်းအုပ်ဆရာမကြီးနှင့် တာဝန်ရှိသူများက ပထမ၊ ဒုတိယ၊
တတိယဆု ရရှိသူများကို ဆုတံဆိပ်နှင့်ဂုဏ်ပြုမှတ်တမ်းလွှာများ အသီးသီး ပေးအပ်ချီးမြှင့်သည်။
ဆက်လက်၍ ကျောင်းသား/ကျောင်းသူများက အကများဖြင့်ဖျော်ဖြေတင်ဆက်ပြီး အခမ်းအနားကို
ရုပ်သိမ်းလိုက် သည်။ အဆိုပါအခမ်းအနားတွင်
မေတ္တာမြို့အုပ်ချုပ်ရေးမှူး ဦးအောင်ကျော်မင်း၊ (KNU) ကရင်အမျိုးသား အစည်းအရုံး၊ ကစယ်ဒိုမြို့နယ်
တာဝန်ခံ ပဒိုစောဒီအာလူး၊ ဌာနဆိုင်ရာများ၊ ကျောင်းအုပ်ဆရာမကြီးနှင့် ဆရာ/ဆရာမများ၊ ကျောင်းသား/ကျောင်းသူများ၊ ဖိတ်ကြားထားသည့် ဧည့်သည်တော်များနှင့်
ကျောင်းသား/ကျောင်းသူများ စုစုပေါင်းအင်အား (၂၅၀)ဦးခန့် တက်ရောက်ကြောင်း သတင်းရရှိပါသည်။
No comments:
Post a Comment