နေပြည်တော် သြဂုတ် ၂၆
၁။ မွေးမြူရေး၊ ရေလုပ်ငန်းနှင့်ကျေးလက်ဒေသဖွံ့ဖြိုးရေးဝန်ကြီးဌာန၊
ဒုတိယဝန်ကြီး ဦးခင်မောင်အေး သည် (၂၅.၈.၂၀၁၄)ရက်နေ့ (၁၃း၀၀)နာရီအချိန်တွင် ရန်ကုန်မြို့၊
မြန်မာနိုင်ငံငါးလုပ်ငန်းအဖွဲ့ချုပ်၌ ငါး၊ ပုစွန်မွေးမြူရေး၊ ရေထွက်ပစ္စည်းပို့ကုန်လုပ်ငန်းရှင်များပါဝင်သောအလုပ်အဖွဲ့(Working
Group)များမှ တာဝန်ရှိသူများ၊ ညီနောင်အသင်းများမှ တာဝန်ရှိသူများနှင့်တွေ့ဆုံကာ ပုစွန်မွေးမြူရေး
တိုးတက်ဖွံ့ဖြိုးရေး နှင့် ရေထွက်ပစ္စည်းပို့ကုန်များ၊ စီမံကိန်းလျာထားချက်အမှီ ပိုမိုတင်ပို့နိုင်ရေးကိစ္စရပ်များကို
ဆွေးနွေးညှိနှိုင်း ပါသည်။
၂။ ဒုတိယဝန်ကြီးနှင့်အတူ ငါးလုပ်ငန်းဦးစီးဌာနမှ
ဒုတိယညွှန်ကြားရေးမှူးချုပ် ဦးထွန်းဝင်းနှင့် ညွှန်ကြား ရေးမှူးများ၊ တိုင်း၊ ခရိုင်ဦးစီးမှူးများ၊
ဖွံ့ဖြိုးရေးနှင့်သုတေသနဌာနခွဲမှ တာဝန်ရှိသူများ၊ ငါးလုပ်ငန်းအဖွဲ့ ချုပ်မှ တာဝန်ရှိသူများ
တက်ရောက်ကြပါသည်။
၃။ အလုပ်အဖွဲ့များနှင့် ညှိနှိုင်းဆွေးနွေးပွဲတွင်
ရေထွက်ပစ္စည်းပို့ကုန် တိုးမြှင့်ရေးကိစ္စရပ်များ၊ ပုစွန်မွေး မြူရေးတိုးတက်ဖွံ့ဖြိုးရေးအတွက်
ချောင်းသာစခန်းတွင် ဝန်ကြီးဌာနနှင့် ပူးပေါင်းဆောင်ရွက်နေသော Gold
Coin ကုမ္ပဏီ၏ ပုစွန်ဖြူဖြန့်ဖြူးမည့်
အစီအစဉ်များ၊ ကျေးလက်အိမ်ထောင်စုများ တစ်နိုင်တစ်ပိုင်မွေးမြူရေးမှ ဝင်ငွေရမည့် ငါးရှဥ့်၊
ဖား၊ ငါးတန်၊ ငါးပြေမ မွေးမြူရေးအခြေအနေများကို အသေးစိတ်ဆွေးနွေးပြီး ဝန်ကြီး ဌာနမှ
ဖြည့်ဆည်းဆောင်ရွက်ပေးရမည့် ချေးငွေ၊ လျှပ်စစ်မီး၊ ကျေးလက်လမ်းပန်းဆက်သွယ်ရေး အခြေအနေ
များကို အသေးစိတ်ဆွေးနွေးညှိနှိုင်းခဲ့သည်။
၎။ ဒုတိယဝန်ကြီးသည်(၂၆.၈.၂၀၁၄)ရက်နေ့
နံနက်ပိုင်းတွင်မြန်မာနိုင်ငံငါးလုပ်ငန်းအဖွဲ့ချုပ် အပတ်စဉ် ပုံမှန်အစည်းအဝေးသို့ တက်ရောက်ပြီး
အမှာစကားပြောကြားပါသည်။
၅။ ဆက်လက်ပြီး ငါးလုပ်ငန်းအဖွဲ့ချုပ်
အစည်းအဝေးခန်းမ(၁)တွင်ကျင်းပသော ပြင်သစ်နိုင်ငံ Collecte Localisation Satellite
(C L S) ကိုယ်စားလှယ် Philippe Courrouyan မှ ငါးလုပ်ငန်းဦးစီးဌာန မှ တာဝန်ရှိသူများနှင့်
မြန်မာနိုင်ငံပင်လယ်ကမ်းဝေး ငါးဖမ်းလုပ်ငန်းရှင်များအသင်းမှ တာဝန်ရှိသူများအား ငါးဖမ်းရေယာဉ်များ၌
ဂြိုလ်တုစံနစ်သုံး၊ ငါးဖမ်းရေယာဉ် စောင့်ကြည့်ထိန်းချုပ်ရေးစံနစ် (Vessel
Monitoring System VMS) တပ်ဆင်ခြင်း၊
သရုပ်ပြရှင်းလင်း ဆွေးနွေးပွဲသို့ တက်ရောက်၍ VMS စံနစ်ဖြင့် ရှင်းလင်း သရုပ်ပြမှုများအား
လေ့လာကြည့်ရှုပါသည်။
၆။ သရုပ်ပြပွဲသို့လိုက်ပါလာသော
မြန်မာနိုင်ငံဆိုင်ရာ ပြင်သစ်သံရုံးမှ Dominique causse (Head of the Economic
Services) နှင့် AFD French Development Agency မှ ဌာနေကိုယ်စားလှယ် Julia DE PIERREPONT တို့နှင့် တွေ့ဆုံပြီး ရေလုပ်ငန်းတိုးတက်ဖွံ့ဖြိုးရေး
ကိစ္စရပ်များနှင့် အာဆီယံစီးပွားရေး အသိုက်အဝန်း(AEC)ထူထောင်ရေးကိုမျှော်မှန်း၍ ရေလုပ်ငန်းနယ်ပယ်၏
ဈေးကွက်ရရှိရေး၊ ထုတ်ကုန် အရည်အသွေးကောင်းမွန်ရေး၊ တရားမဝင်ငါးဖမ်းဆီးမှုလျော့နည်း
ကျဆင်းရေးတို့ကို ရင်းနှီးပွင့်လင်းစွာ ဆွေးနွေးခဲ့ကြောင်း သတင်းရရှိသည်။
No comments:
Post a Comment