ဒီးမော့ဆို ဇွန် ၂၇
ဂျီအီးစီး(ဝန်ထမ်းပေါင်းစုံ) ငွေစုငွေချေးသမဝါယမအသင်းတွင် အသင်းသား(၆၁)ဦးပြီး
စုဆောင်း ငွေကျပ် (၃၀)သိန်းကျော်ဖြင့် လည်ပတ်လျက်ရှိကြောင်း သိရသည်။ ၂၀၁၃-၂၀၁၄ ဘဏ္ဍာရေးနှစ်
နှစ်ပတ်လည် အရပ်ရပ်ဆိုင်ရာ အစည်းအဝေးကို ဇွန် ၂၇ ရက်နေ့ နံနက် ၁၀ နာရီခွဲအချိန်က ကယားပြည်နယ်၊
ဒီးမော့ဆိုမြို့နယ် မြို့နယ် သမဝယမ ဦးစီးဌာနရုံး၌ ကျင်းပခဲ့ကြောင်း သိရသည်။
ရှေးဦးစွာ ဂျီအီးစီး(ဝန်ထမ်းပေါင်းစုံ) ငွေစုငွေချေး သမဝါယမအသင်းလီမိတက် သဘာပတိ
ဦးစိုးအောင် က အမှာစကား ပြောကြားပြီး မြို့နယ်သမဝါယမဦးစီးဌာန ဦးစီးအရာရှိ ဒေါ်ဖီလိုမီနာနှင့်
မြို့နယ်သမဝါယမ အသင်းစု ဥက္ကဌ ဦးအေးသောင်းတို့က မြို့နယ်အတွင်း သမဝါယမလုပ်ငန်း ဖွံ့ဖြိုးတိုးတက်ရေးအတွက်
ဆောင်ရွက်နေမှုများကို ရှင်းလင်း ပြောကြားသည်။ ဆက်လက်ပြီး ၂၀၁၃-၂၀၁၄ ဘဏ္ဍာရေးနှစ် အစီရင်ခံစာနှင့်
နှစ်ချုပ်အစီရင်ခံစာများကို တာဝန်ရှိသူများက ဖတ်ကြားခဲ့ကြောင်း သိရသည်။ ထို့နောက် သဘာပတိက
၂၀၁၃-၂၀၁၄ ဘဏ္ဍာရေးနှစ် အစီရင်ခံစာကို သဘောတူညီမှုရှိမရှိ မေးမြန်ခြင်းနှင့် အတည်ပြုရယူခြင်း
ဆောင်ရွက်ခဲ့ကြောင်း သိရသည်။
ဒီးမော့ဆိုမြို့နယ်တွင် ကျေးရွာတစ်ရွာလျှင် သမဝါယမအသင်းတစ်သင်းဖွဲ့စည်းနိုင်ရန်
ကျေးရွာပေါင်း (၁၆၃) ရွာရှိရာ ကျေးရွာ (၄၅) ရွာကို သမဝါယမအသင်းဖွဲ့စည်းနိုင်ခဲ့ပြီး
ကျေးရွာ (၄၀)ကို အသင်းဝင်အဖြစ် ဆောင်ရွက်နိုင်ခဲ့ကြောင်း မြို့နယ်သမဝါယမအသင်းစု ဥက္ကဌမှ
သိရသည်။
No comments:
Post a Comment