ဘုတ်ပြင်း ၊ ဧပြီ ၂၃ ရက်
ဘုတ်ပြင်းမြို့နယ်၊ မြို့နယ်အခြေပြု မူလတန်း ဆရာအတတ်သင် သင်တန်းဖွင့်ပွဲ အခမ်းအနားကို
ဧပြီ ၂၃ ရက်၊ နံနက် ၈ နာရီက ဘုတ်ပြင်းမြို့ ၊ အ.ထ.ကကျောင်း န၀ရတ်ခန်းမတွင် ပြုလုပ်ကျင်းပသည်။
အခမ်းအနားတွင် ပြည်သူ့လွှတ်တော်ကိုယ်စားလှယ် ဦးအောင်လင်းလှိုင်မှ သင်တန်းဖွင့်
အမှာစကား ပြောကြားပြီး မြို့နယ်အုပ်ချုပ်ရေးမှူး ဦးချမ်းသာက သင်တန်းနှင့် ပတ်သက်သည့်
စည်းကမ်းချက်များ၊ သင်တန်းသားများ လိုက်နာ ကြိုးစားသင်ယူရေးနှင့် ထူးချွန်ထက်မြက်ရေး
ကိစ္စများကို ရှင်းလင်းမှာကြားခဲ့ပြီးနောက် မြို့နယ်ပညာရေးမှူး ဒေါ်တင်နွဲ့ရည်က သင်တန်းဖွင့်လှစ်ရခြင်းနှင့်
စပ်လျဉ်း၍ အကျယ်တ၀င့်ရှင်းလင်း ပြောကြားသည်။
အဆိုပါသင်တန်းအား မြို့နယ်အတွင်းရှိ နေ့စားလပေး ဆရာ/ဆရာမ (၁၉၆) ဦးအား သင်တန်းကာလ
(၁) လ သင်ကြားပို့ချပေးမည်ဖြစ်ပြီး သင်တန်းအောင်မြင်သူများအား မူလတန်းပြအဖြစ် တိုးမြှင့်ခန့်ထား
ပေးမည်ဖြစ်ရာ နိုင်ငံတော် အနာဂါတ် ထူးချွန်ထက်မြက်သည့် သားကောင်းရတနာများ ထွက်ပေါ်လာရေး
လေ့ကျင့်သင်ကြား မွေးထုတ်ပေးကြရမည့် အရည်အချင်းပြည့်ဝသည့် ဆရာ/ဆရာမများ ထွက်ပေါ်လာရေး
ရည်ရွယ်ဖွင့်လှစ်ခြင်း ဖြစ်ကြောင်းသိရှိရသည်။
No comments:
Post a Comment